تۇركيادا دوللارسىزداندىرۋ ساياساتى اياسىندا بۇدان بىلاي ەلدەگى بارلىق تەندەر تەك تۇرىك ليراسىمەن عانا جۇرگىزىلەدى, دەپ حابارلايدى Haberler باسىلىمى تۇركيا جەكەشەلەندىرۋ ماسەلەلەرى بويىنشا اكىمشىلىگىنە سىلتەمە جاساپ.
تەك ەندى قولعا الىناتىن تەندەرلەر ەمەس, سونىمەن قاتار قازىر كەلىسىمشارتى دايىندالىپ جاتقان تەندەرلىك ساۋدا دا تەك ۇلتتىق ۆاليۋتامەن ەسەپتەسەتىن بولادى.
ستامبۋل بيرجاسى 2 جەلتوقسان كۇنى بارلىق وپەراتسيانى ليرامەن جۇرگىزىپ, جينالاتىن قوردى دا تەك ۇلتتىق ۆاليۋتامەن ساقتاۋ تۋرالى شەشىم قابىلداعان ەدى.
پرەزيدەنت ەردوعان بۇدان ءسال ەرتەرەك ەل ازاماتتارىن تەك تۇرىك ليراسىمەن عانا جۇمىس ىستەپ, ارتىق اقشانى دا ءوز ۆاليۋتالارىندا ساقتاۋعا شاقىرعان.
سونىمەن قاتار تۇركيانىڭ ساۋدا پالاتاسى دا اتالعان باستاماعا قوسىلدى. ۆەدومستۆا باسشىسى يبراگيم چاعلاردىڭ ايتۋىنشا, ەل اۋماعىندا ساۋدا پالاتاسى تەك تۇرىك ليراسىن قولدانباق.
ەستەرىڭىزگە سالا كەتەيىك, بىرەر كۇن بۇرىن ەردوعان تۇركيانىڭ رەسەيمەن, قىتايمەن جانە يرانمەن اراداعى ساۋداسىندا تەك وسى مەملەكەتتەردىڭ ۆاليۋتاسى قولدانىلاتىنىن مالىمدەگەن ەدى.