ماجىلىستە «داكتيلوسكوپيالىق جانە گەنومدىق تىركەۋ تۋرالى» زاڭ جوباسى قارالادى

بۇگىن ماجىلىستە «داكتيلوسكوپيالىق جانە گەنومدىق تىركەۋ تۋرالى» زاڭ جوباسى قارالادى بۇگىن قر پارلامەنتى ماجىلىسىندە «داكتيلوسكوپيالىق جانە گەنومدىق تىركەۋ تۋرالى» زاڭ جوباسى قارالادى. جوبا داكتيلوسكوپيالىق تىركەۋ ارقىلى قازاقستاندىقتار جەكە باسىن كۋالاندىراتىن قۇجاتتاردى رەسىمدەۋ جانە شەتەلدىكتەر ۆيزا الۋ كەزىندە وتەتىندىگىن قاراستىرادى, دەپ حابارلادى BNews.kz. زاڭ جوباسىن ىسكە اسىرۋعا 2018-2023 جىلدارى 36,8 ملرد تەڭگە ($100 ملن اسا) قاجەت. داكتيلوسكوپيالىق جانە گەنومدىق تىركەۋدى ەنگىزۋدىڭ قاجەتتىلىگى قانداي جانە بۇل ازاماتتاردىڭ قاۋىپسىزدىگىنە قالاي اسەر ەتەتىندىگى تۋرالى زاڭ جوباسىن ازىرلەۋشىلەر – قر ءىىم وكىلدەرى باياندايدى. سونداي-اق, وتىرىستا «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا وزگەرىستەر ەنگىزۋ تۋرالى», «قازاقستان رەسپۋبليكاسىنىڭ جوعارى سوت كەڭەسى تۋرالى»,  «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زياتكەرلىك مەنشىك سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى», «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ جۇيەسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى», «قازاقستان رەسپۋبليكاسىنىڭ ۇكىمەتى مەن پولشا رەسپۋبليكاسىنىڭ ۇكىمەتى اراسىنداعى ادامداردىڭ رەادميسسياسى تۋرالى كەلىسىمدى راتيفيكاتسيالاۋ تۋرالى», «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەلەكتر ەنەرگەتيكاسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى», «قازاقستان رەسپۋبليكاسى تاۋەلسىزدىگىنىڭ جيىرما بەس جىلدىعىنا بايلانىستى راقىمشىلىق جاساۋ تۋرالى», «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وسىمدىكتەر مەن جانۋارلار دۇنيەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى», «جايىلىمدار تۋرالى», «پروباتسيا تۋرالى» قازاقستان رەسپۋبليكاسى زاڭىنىڭ جوباسى جونىندە تالقىلانادى.