اقش-تىڭ جاڭادان سايلانعان پرەزيدەنتى دونالد ترامپ Boeing كومپانياسىنىڭ اق ءۇيدىڭ جاڭا باسشىسىنا ارنايى جاساپ جاتقان 4 ميلليارد دوللار تۇراتىن پرەزيدەنتتىك Air Force One ۇشاعىن تىم قىمبات دەپ, ونى ساتىپ الۋدان باس تارتتى, دەپ حابارلايدى investing باسىلىمى.
"Boeing كومپانياسى بولاشاق پرەزيدەنتتەرگە ارناپ جاڭا 747 Air Force One ۇشاعىن قۇراستىرىپ جاتىر. باعاسى وتە قىمبات, 4 ملرد دوللاردان اسادى. تاپسىرىستىڭ كۇشى جويىلسىن!" - دەپ جازدى ميللياردەر ءوز تۋيتتەرىندە.
نيۋ-يوركتە جۋرناليستەردىڭ الدىنا شىققان ترامپ مۇنداي قىمبات ۇشاق ءمىنۋ اقىلعا قونىمسىز ەكەنىن ايتتى.
ء"بىز, ارينە, Boeing كومپانياسىنىڭ بايىعانىن قالايمىز. بىراق وسىنشالىقتى ەمەس", - دەدى كاسىپكەر.
ءوز كەزەگىندە Boeing كومپانياسى اق ءۇي باسشىسىنىڭ بۇل قادامىنا ەشقانداي دا جاۋاپ قاتپادى ازىرگە.
ايتا كەتەيىك, Air Force ۇشاعى بۇگىنگە دەيىنگى اقش پرەزيدەنتتەرىنىڭ مىنگەن ەڭ قىمبات ۇشاقتارىنىڭ ءبىرى.