استانادا قازاقستان جەڭىل اتلەتيكا فەدەراتسياسىنىڭ ەسەپ بەرۋ-سايلاۋ كونفەرەنتسياسى بولدى. وندا فەدەراتسيانىڭ جاڭا پرەزيدەنتى بولىپ قازاقستان رەسپۋبليكاسى پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ سايلاندى.
كونفەرەنتسيا جۇمىسىنا مادەنيەت جانە سپورت ءمينيسترى ارىستانبەك مۇحامەدي ۇلى, سونداي-اق فەدەراتسيا پرەزيديۋمىنىڭ مۇشەلەرى, ايماقتىق فيليالدار جەتەكشىلەرى, قۇراما جاتتىقتىرۋشىلارى, ۇلتتىق وليمپيالىق كوميتەت وكىلدەرى قاتىستى.
جيىنعا قاتىسۋشىلار فەدەراتسيانىڭ ەسەپتى كەزەڭدەگى جۇمىستارى تۋرالى ەسەپتى باياندامانى تىڭداپ, ۇيىمنىڭ جارعىسى مەن باسقارۋشى قۇرامىن بەكىتتى.
جينالعاندار الدىندا ءسوز سويلەگەن ادىلبەك جاقسىبەكوۆ فەدەراتسيا جۇمىسىنداعى باسىم باعىتتى سپورتتىڭ بۇل ءتۇرىن جاپپاي دامىتۋدان جانە جەڭىل اتلەتيكامەن شۇعىلدانۋشىلار ءۇشىن ينفراقۇرىلىم دايىنداۋدان كورىپ وتىرعانىنا نازار اۋداردى.
ادىلبەك رىسكەلدى ۇلى 2007 جىلعى تامىزدان 2014 جىلعى جەلتوقسانعا دەيىن قازاقستان فۋتبول فەدەراتسياسىن باسقاردى. ول بۇل قىزمەتتەن سول جىلعى قازاندا استانا قالاسىنىڭ اكىمى بولىپ تاعايىندالۋىنا بايلانىستى كەتتى. بۇدان كەيىن, 2015 جىلعى ماۋسىم – تامىز ارالىعىندا «استانا ەكسپو-2017» اكتسيونەرلىك قوعامىنىڭ باسقارما توراعاسى بولدى. ال 2016 جىلعى ماۋسىم ايىندا قازاقستان پرەزيدەنتى اكىمشىلىگىنىڭ باسشىسى بولىپ تاعايىندالدى.
وسى رەتتە ايتا كەتۋىمىز كەرەك, جاقسىبەكوۆ سونداي-اق قازاقستان ۇلتتىق وليمپيالىق كوميتەتىنىڭ جازعى سپورت تۇرلەرى بويىنشا ۆيتسە-پرەزيدەنتى بولىپ تابىلادى.
«ەگەمەن-اقپارات»