ەلوردادا زەينەتكەرلەرگە ارنالعان شاعىن ورتالىقتىڭ (كۇيشى دينا ك-ءسى, 25/1) سالتاناتتى اشىلۋى ءوتتى. بۇل 24 مىڭنان استام ارداگەر تۇراتىن «الماتى» اۋدانىنداعى 16-شى دەمالىس ورنى, دەپ حابارلادى استانا اكىمدىگىنىڭ ءباسپاسوز قىزمەتى.
«بۇگىنگى شارا قازاقستان رەسپۋبليكاسى تاۋەلسىزدىگىنىڭ 25 جىلدىعى قارساڭىندا ءوتىپ جاتىر. «ەلباسى اتاپ وتكەندەي, تاۋەلسىزدىك زامانى - جاسامپازدىق پەن ىستەردىڭ ۇلى جولى. بىرلىك پەن تۇراقتىلىق - ەگەمەندى قازاقستاننىڭ مىزعىماس نەگىزىن قالايتىن باستى قۇندىلىقتارىمىز», - دەدى «الماتى» اۋدانىنىڭ اكىمى ادىلبەك سارسەمباەۆ شارا بارىسىندا.
شارا اياسىندا ەلوردانىڭ دامۋىنا, سونداي-اق جاستاردى پاتريوتيزمگە تاربيەلەۋگە ەلەۋلى ۇلەس قوسقان بەلسەندى 25 ارداگەرگە العىس حاتتار مەن ەستەلىك سىيلىقتار تابىستالدى.