استانادا قازاقستان شايبالى حوككەي فەدەراتسياسىنىڭ حIII ەسەپتىك-سايلاۋىندا «دامۋ» قورىنىڭ باسقارما توراعاسى قانىش تۋلەۋشين قازاقستان شايبالى حوككەي فەدەراتسياسى اتقارۋشى كوميتەتىنىڭ مۇشەسى بولىپ سايلاندى.
اتقارۋشى كوميتەت 4 جىلدا ءبىر رەت, قازاقستان شايبالى حوككەي فەدەراتسياسى پرەزيدەنتىنىڭ سايلاۋىمەن بىرگە وتەدى.
كونفەرەنتسيا بارىسىندا قازاقستان شايبالى حوككەي فەدەراتسياسىنىڭ پرەزيدەنتى بولىپ بۇرىنعى قحف پرەزيدەنتى اسقار ءمامين قايتا سايلاندى. سونداي-اق قازاقستان شايبالى حوككەي فەدەراتسياسىنىڭ باس ديرەكتورى يۋري زۆەرەۆ پەن فەدەراتسيا اتقارۋشى كوميتەتىنىڭ بۇرىنعى مۇشەلەرى دە قايتا سايلاندى.
شارا بارىسىندا قازاقستان شايبالى حوككەي فەدەراتسياسى پرەزيدەنتى الداعى ءۇش جىلعا ارنالعان باستى مىندەتتەردى اتاپ ءوتتى. ولاردىڭ اراسىندا: ورال, شىمكەنت, قىزىلوردا جانە اقتاۋدا كاسىبي حوككەي كلۋبتارىن قۇرۋ; ايەلدەر حوككەيىنىڭ اياسىن كەڭەيتۋ جانە ايەلدەر كوماندالارى اراسىندا قازاقستان رەسپۋبليكاسىنىڭ بىرىنشىلىگىن وتكىزۋ;وڭىرلەردە حوككەي سپورتىن دامىتۋ ءۇشىن قالا مەن وبلىس اكىمشىلىكتەرى, «نۇر وتان» حدپ بولىمشەلەرى جانە قر دەنە شىنىقتىرۋ جانە سپورت باسقارمالارىمەن جۇمىستاردى نىعايتۋ سەكىلدى كوپتەگەن شارالار بار.
ايناش ەسالي, «ەگەمەن قازاقستان».
الماتى