استانادا وتاندىق كاسىپكەرلەردىڭ ءتول مەرەكەسى يندۋستريالاندىرۋ كۇنىنە وراي ۇيىمداستىرىلعان جالپىۇلتتىق تەلەكوپىر بارىسىندا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ يندۋستريالاندىرۋ باعدارلاماسى اياسىندا بىرقاتار نىساندارداعى ءوندىرىستى جانە جوبالار قۇرىلىسىن ىسكە قوستى. اتاپ ايتار بولساق, الدىمەن تەمىرتاۋدا دومنا پەشى مەن الماتى-شۋ تەمىر جولى, قۇرىق پورتى ىسكە قوسىلدى.
"رۇقسات بەرەمىن. بۇل ءۇش وبەكت ءبىز ءۇشىن وتە ماڭىزدى. تەمىرتاۋلىقتارعا ۇلكەن سالەم جولدايمىن. ول جاققا بارماعانىما كوپ بولدى. قاراعاندى مەتتاللۋرگيا كومبيناتى - ءبىزدىڭ ەلىمىزدىڭ قارا مەتتالۋرگياسىنىڭ تۇعىشى. ول قازىر جىلىنا 6 ملن توننا بولات ءوندىرۋى كەرەك. ال ءتورتىنشى دومنا پەشىنىڭ ۇلكەن جوندەۋدەن وتكەنى سوعان ءۇمىت سىيلايدى", دەدى ن.نازارباەۆ.
سونىمەن قاتار ول "نۇرلى جدول" باعدارلاماسى اياسىناعى كولىك قوزعالىسى وبەكتىلەرى دە قازاقستاندىقتار ءۇشىن وتە ماڭىزدى ەكەنىن ايتتى.
"شۋ-الماتى جولى پويىز قوزعالىسىن ەكى ەسە ءتيىمدى ەتەدى. وسىنى كوپتەن بەرى قالاعان ەدىك. مىنە, قازىر جۇزەگە اسىرىلدى, - دەدى ەلباسى. - ال قۇرىق ءبىز ءۇشىن كاۆكاز بەن ەۋروپاعا اشىلعان جول. بۇل دا كوپتەن كۇتكەن جوبا. اسىرەسە, يندۋستريالاندىرۋ ءۇشىن وتە قاجەت. بارلىعىن تاۋەلسىزدىكتىڭ 25-جىلدىعى اياسىندا جەتكەن جەتىستىكتەرىمىزبەن قۇتتىقتايمىن. دەنساۋلىق, ساتتىلىك تىلەيمىن. جۇمىسقا كىرىسىڭىدەر! جوبالاردى ىسكە قوسىڭىزدار!", دەدى ەلباسى.