قوستاناي وبلىسىنداعى 12 مىڭ تۇرعىنى بار قاشار كەنتىنە كوپتەن كۇتكەن كوگىلدىر وتىن كەلدى, دەپ حابارلايدى قازاقپارات.
بۇل ەلدى مەكەندى گازداندىرۋ «قازترانسگاز» اق ۇلتتىق وپەراتورىنىڭ «قوستاناي وبلىسى ەلدى مەكەندەرىن گازداندىرۋ جانە گاز ءبولۋ جەلىلەرىن جاڭعىرتۋ» ينۆەستيتسيالىق جوباسىن ىسكە اسىرۋ اياسىندا مۇمكىن بولدى. سونىمەن, كەنتىشىلىك گاز قۇبىرلارىن, اۆتوماتتاندىرىلعان گاز ءبولۋ ستانساسى, ەكى گاز رەتتەيتىن پۋنكت, 30 شاقىرىمنان استام گاز قۇبىرى سالىنىپ, ىسكە قوسىلدى. سالتاناتتى شاراعا قوستاناي وبلىسىنىڭ اكىمى ارحيمەد مۇحامبەتوۆ پەن «كازترانسگاز ايماق» اق باس ديرەكتورىنىڭ ءبىرىنشى ورىنباسارى عالىم ايدوسوۆ قاتىستى. قاشاردا 56 ءىرى پانەلدى ءۇي, بۇدان باسقا قوسىلۋعا ءازىر 20-دان استام جەكە تۇرعىن ۇيلەر بار. كەنتتە 35 كوممۋنالدىق-تۇرمىستىق, الەۋمەتتىك نىساندار جۇمىس ىستەيدى. قوستاناي وبلىسىنىڭ اكىمى ارحيمەد مۇحامبەتوۆتىڭ ايتۋىنشا, جوبانى ىسكە اسىرۋدىڭ وبلىس ءۇشىن ۇلكەن الەۋمەتتتىك-ەكونوميكالىق ماڭىزى بار.
«گاز حالىق, ونداعان الەۋمەتتىك جانە وندىرىستىك نىساندار ءۇشىن قولجەتىمدى بولادى», - دەدى وبلىس اكىمى. سونداي-اق, ول: «بۇل كەنتىڭ ەكونوميكاسىن دامىتۋعا وڭ ىقپال ەتىپ, وندىرىستىك, الەۋمەتتىك سالانى, حالىقتىڭ كوشى-قونىنىڭ ودان ءارى دامۋى ءۇشىن پەرسپەكتيۆا قالىپتاستىرادى. ءبىز بۇل جۇمىستى وسى جەردە جۇمىس ىستەيتىن, وتباسى قۇراتىن, تۋعان كەنتىن دامىتاتىن كەلەشەك ۇرپاق ءۇشىن جۇرگىزىپ جاتىرمىز», – دەدى.