استانادا وتاندىق كاسىپكەرلەردىڭ ءتول مەرەكەسى يندۋستريالاندىرۋ كۇنىنە وراي ۇيىمداستىرىلاتىن جالپىۇلتتىق تەلەكوپىر باستالدى.
شاراعا مەملەكەتتىك مەكەمەلەر, ۇلتتىق كومپانيالار باسشىلارى, اكىمدەر, پارلامەنت دەپۋتاتتارى, قوعامدىق بىرلەستىكتەر وكىلدەرى قاتىسۋدا.
تەلەكوپىردە مەملەكەت باسشىسى نۇرسۇلتان نازارباەۆ قالىپتاسقان ءداستۇر بويىنشا يندۋستريالىق جانە ينفراقۇرىلىمدىق جوبالاردىڭ تۇساۋىن كەسەتىن بولادى.
سونىمەن قاتار ەل پرەزيدەنتىنىڭ «التىن ساپا» سىيلىعىنىڭ يەگەرى, «قازاقستاننىڭ ۇزدىك تاۋارى» رەسپۋبليكالىق كورمە-بايقاۋىنىڭ جەڭىمپازدارى جانە «پارىز-2016» بايقاۋىنىڭ جۇلدەگەرلەرى ماراپاتتالادى.