استانادا قر ۇلتتىق مۋزەيىندە قازاقتىڭ سۋىرىپ سالما ايتىسى, كيىز ءۇي جانە كۇي ونەرىنىڭ ماتەريالدىق ەمەس مادەني مۇرالار تىزىمىنە ەنگىزىلۋى تۋرالى يۋنەسكو سەرتيفيكاتتارى تابىستالدى, دەپ xابارلادى قازاقپارات.
ەندى مۇراجايعا كەلگەن ءاربىر مەيمان بۇل مۇرالاردىڭ ادامزات مويىنداعان قۇندى ماتەريالدىق ەمەس ميراس ەكەنىن كورىپ, تاني الادى.
سەرتيفيكاتتى تابىستاۋعا قر پرەمەر-ءمينيسترىنىڭ ورىنباسارى يمانعالي تاسماعامبەتوۆ قاتىستى.
«بۇل - قازاقستان اتىنان يۋنەسكو-نىڭ تىزىمىنە ەنگەن العاشقى رۋxاني, ماتەريالدىق ەمەس ونەر تۋىندىلارى. رۋxاني قۇندىلىقتارىمىز ەندى xالىقارالىق ۇيىمنىڭ قورعاۋىندا بولىپ قانا قويماي, يۋنەسكو-نىڭ رۋxاني مۇرالار تۋرالى كونۆەنتسيانى مويىنداعان 171 مەملەكەتتىڭ قولداۋلارىنا يە بولادى. ارينە, مۇنداي قۇرمەتكە, قولداۋعا تىزىمگە ەنگەن ءۇش قۇندىلىعىمىزدىڭ قاي-قايسىسى دا لايىقتى», - دەدى يمانعالي تاسماعامبەتوۆ.
ايتا كەتەيىك, وتكەن اپتادا ەفيوپيادا يۋنەسكو-نىڭ كەزەكتى سەسسياسى وتكەن بولاتىن. وندا اتالمىش تىزىمگە قازاقستاننىڭ تاعى ءتورت ءوتىنىشى ەنگىزىلدى. ولار - ناۋرىز, ساياتشىلىق, قازاق كۇرەسى جانە بارشا تۇركى جۇرتىنا ورتاق شەلپەكتىڭ جاسالۋى سىندى رۋxاني ءارى مادەني مۇرالار. سونىمەن قاتار, بيىلدان باستاپ قازاقستان «باتىس تيان-شان» ترانسۇلتتىق نوميناتسياسى بويىنشا يۋنەسكو-نىڭ مۇرالار تىزىمىنە ەندى.
سۋرەتتەردى تۇسىرگەن: ەرلان وماروۆ