كارىم ءماسىموۆ قازاقستان ترياتلون فەدەراتسياسىنىڭ پرەزيدەنتى بولىپ سايلاندى, دەپ حابارلادى قر ۇقك ءباسپاسوز قىزمەتى.
ونىڭ كانديداتۋراسىن بۇگىن وتكەن فەدەراتسيا كونفەرەنتسياسىندا تاڭدادى. كونفەرەنتسيا جۇمىسىنا قر مادەنيەت جانە سپورت ءمينيسترى ارىستانبەك مۇحامەدي ۇلى, سونداي-اق فەدەراتسيا مۇشەلەرى, قۇرامانىڭ جاتتىقتىرۋشىلار قۇرامى, مادەنيەت جانە سپورت مينيسترلىگى مەن ۇلتتىق وليمپيادالىق كوميتەتتىڭ وكىلدەرى قاتىستى.
ك.ءماسىموۆ ءوزىنىڭ سوزىندە ايماقتارداعى سپورت تۇرلەرىنىڭ دامۋىنا باسا نازار اۋدارا وتىرىپ, فەدەراتسيانىڭ الداعى ۋاقىتتاعى مىندەتتەرىن بەلگىلەدى.
«ترياتلون - ءبىزدىڭ ەلىمىزگە كەيىن كەلگەن سپورت ءتۇرى, سوندىقتان ونىڭ دامۋى ءالى باستاپقى كەزەڭدە. بۇل سپورت ءتۇرىنىڭ جوسپارلى جانە كەشەندى دامۋىن قامتاماسىز ەتۋ قاجەت جانە اتالعان جۇمىس بولاشاقتا ءوز ناتيجەسىن بەرەدى», دەدى ك.ءماسىموۆ.
كەزدەسۋدە ۇيىمنىڭ قىزمەتى تۋرالى ەسەبى تىڭدالدى. سونىمەن قاتار, فەدەراتسيانىڭ باسقارۋ ورگاندارىنىڭ جاڭا قۇرامى جاساقتالدى.