استانادا قر پرەزيدەنتىنىڭ «التىن ساپا» سىيلىعى, «قازاقستاننىڭ ۇزدىك تاۋار» رەسپۋبليكالىق كورمە-بايقاۋى, بيزنەستىڭ الەۋمەتتىك جاۋاپكەرشىلىگى جونىندەگى «پارىز-2016» بايقاۋى جەڭىمپازدارىن سالتاناتتى ماراپاتتاۋ ءراسىمى مەن يندۋستريالاندىرۋ كۇنى اياسىنداعى جالپىۇلتتىق تەلەكوپىر وتەدى, دەپ حابارلادى palata.kz.
قالىپتاسقان ءداستۇر بويىنشا, تەلەكوپىر كەزىندە مەملەكەت باسشىسى نۇرسۇلتان نازارباەۆتىڭ قاتىسۋىمەن, يندۋستريالدىق جانە ينفراقۇرىلىمدىق جوبالاردىڭ تۇساۋى كەسىلەتىن بولادى.
شاراعا مەملەكەتتىك مەكەمەلەر, ۇلتتىق كومپانيالار باسشىلارى, اكىمدەر, قر پارلامەنتى دەپۋتاتتارى, ۇلتتىق كاسىپكەرلەر پالاتاسىنىڭ وكىلدەرى, ساياسي پارتيالاردىڭ جەتەكشىلەرى, قوعامدىق بىرلەستىكتەر وكىلدەرى, ءىرى ونەركاسىپتىك كاسىپورىندار باسشىلارى, وتكەن جىلدارعى جۇلدەگەرلەر, 2016 جىلعى جەڭىمپازدار قاتىسادى دەپ كۇتىلۋدە.
وتكىزىلەتىن ۋاقىتى مەن ورنى: 2016 جىلدىڭ 6 جەلتوقسانى, باستالۋى 11-00-دە, استانا قالاسى, قازمەديا ورتالىعى.