نايروبيدە (كەنيا) ەۋروپاداعى ەكونوميكالىق ىنتىماقتاستىق پەن دامۋ ۇيىمى جانە بۇۇ دامۋ باعدارلاماسىنىڭ مەملەكەتتىك قىزمەتتى جەتىلدىرۋ عالامدىق ورتالىعىنىڭ بىرلەسكەن حاتشىلىعىنا نەگىزدەلگەن ءتيىمدى ينستيتۋتتار تۇعىرناماسىنىڭ (EIP) جىل سايىنعى كەزدەسۋىندە مەملەكەتتىك قىزمەت كورسەتۋ سالاسىنداعى پراكتيكتەر اليانسى جۇمىس ناتيجەلەرى جاريا بولدى. اليانس استاناداعى مەملەكەتتىك قىزمەت سالاسىنداعى وڭىرلىك حاب باستاماسىمەن قۇرىلعان.
كەزدەسۋ بارىسىندا قاتىسۋشىلار ءتيىمدى ينستيتۋتتاردى دامىتۋ سالاسىنداعى ترەندتەر مەن يننوۆاتسيالاردى, ونىڭ ىشىندە مەملەكەتتىك اپپارات تيىمدىلىگى مەن جاۋاپكەرشىلىگىن ارتتىرۋ, رەفورمالار جاساۋ ساياساتى مەن ەسەپ بەرەتىن مىعىم جۇيەلەر قالىپتاستىرۋ ماسەلەلەرىن تالقىعا سالدى. سونىمەن بىرگە الەمنىڭ 60-تان استام ەلى مەن ۇيىمدارىن بىرىكتىرەتىن ءتيىمدى ينستيتۋتتار تۇعىرماناماسى قاتىسۋشىلارىنا ءوز ەلدەرىنىڭ تاجىريبەلەرىمەن ءبولىسىپ, تابىستى مەملەكەتتىك رەفورمالار جاساۋدىڭ جولدارىن قاراستىرۋ مۇمكىندىگى بەرىلدى.
حابتىڭ اپپارات جەتەكشىسى ەرنار جاركەشوۆ ءتيىمدى ينستيتۋتتار تۇعىرناماسىنا ونىڭ قاتىسۋشىسى رەتىندە استانا حابىنىڭ قوسقان ۇلەسىن باياندادى. وندا استانا حابىنىڭ ءازىربايجان, گرۋزيا جانە قازاقستاننىڭ مەملەكەتتىك قىزمەت كورسەتۋ بويىنشا پراكتيكتەر اليانسىن «تەڭمەن تەڭ» قاعيداتى بويىنشا قۇرعانى اتاپ ءوتىلدى. اليانس جۇمىسى اۋقىمىندا گرۋزيا (يۋستيتسيا ءۇيى), ءازىربايجان (اسان قىزمەتى), قازاقستاننىڭ («ازاماتتار ءۇشىن ۇكىمەت» مەملەكەتتىك كورپوراتسياسى) وزىق تاجىريبەلەرىن كورسەتەتىن ساراپتامالىق ماتەريالدار – كەيس-ستاديلەر جاسالىپ, بىرلەسكەن زەرتتەۋلەرگە كەڭەسشىلەر جۇمىلدىرىلدى. حابتىڭ بۇل تاجىريبەسى EIP باسقا قاتىسۋشىلارىن دا قىزىقتىرىپ, ءوز ەلدەرىندە سونداي قۇرىلىم قۇرۋ ءۇشىن اليانس جۇمىسىمەن كەڭىرەك تانىستى.
EIP دايارلاعان نۇسقاۋلىق بويىنشا, اليانستى دامىتۋدىڭ كەلەسى كەزەڭى - «ءبىر تەرەزەدەن» قاعيداتى بويىنشا وزىق شەشىمدەردى زەرتتەپ, تانىستىرۋ ماقساتىندا سەمينارلار, ترەنينگتەر فورماسىنداعى ءوزارا ارەكەت ەتۋدىڭ ستراتەگياسىن جاساۋ بولماق.