ەلوردادا ىىد مالىمەتىنە سايكەس, ءبىر تاۋلىكتە پوليتسياعا جكو تۋرالى 80-نەن استام حابارلاما كەلىپ ءتۇستى.
«ءبىر تاۋلىكتە پوليتسياعا جكو تۋرالى 80-نەن اسا حابارلاما كەلىپ ءتۇستى. ونىڭ 26-سى وقيعا بويىنشا ماتەريالدىق شىعىن كەلگەن. جكو سالدارىنان ءۇش ادام زارداپ شەكتى», – دەلىنگەن استانا ءىىد ءباسپاسوز قىزمەتىنىڭ حابارلاماسىندا.
تراۆماتولوگيا جانە ورتوپەديا عزي ءباسپاسوز قىزمەتىنىڭ حابارلاۋىنشا, كەشە مەكەمەگە 43 ادام كەلسە, بۇگىن زارداپ شەككەندەر سانى 87 ادامعا دەيىن جەتتى.
ال وسكەمەندە كوكتايعاق سالدارىنان كولىك قوزعالىسى ايتارلىقتاي قيىنداعان.
وسىعان دەيىن تجك 4 جەلتوقساندا قازاقستاننىڭ بىرنەشە وبلىسىندا اۋا-رايىنىڭ قولايسىزدىعىنان جول جۇرۋگە شەكتەۋ قويىلعانىن حابارلاعان. اتاپ ايتار بولساق, كوكتايعاق سالدارىنان استانا – كوكشەتاۋ, استانا – اتباسار, استانا – قاراعاندى باعىتتارى بويىنشا قوعامدىق جانە جۇك كولىكتەرىنە جول جابىلعان بولاتىن.