6 جەلتوقسان كۇنى باتىس قازاقستان وبلىسىنىڭ كەي جەرلەرىندە بۇرقاسىن كوتەرىلىپ, وڭتۇستىك-باتىستان سوققان جەلدىڭ جىلدامدىعى سەكۋندىنا 17-22 مەترگە جەتپەك, دەپ حابارلادى «قازگيدرومەت» رمك بقو فيليالى. ورال قالاسىندا دا قار جاۋىپ, بۇرقاسىن بولىپ, جەلدىڭ ەكپىنى 20 م/س دەيىن كۇشەيەدى. وسىعان بايلانىستى بقو تج دەپارتامەنتى ەسكەرتۋ جاريالادى. وبلىستا توتەنشە جاعدايلاردىڭ الدىن الۋ باعىتىندا ءتيىستى كۇش-قۇرالدار دايىندىققا كەلتىرىلدى. تۇرعىندار اراسىندا وقىس وقيعاعا جول بەرمەۋ, ومىرلىك ماڭىزى بار نىسانداردىڭ, ەلەكتر جەلىلەرى مەن بايلانىس قۇرالدارىنىڭ ۇزدىكسىز جۇمىسىن قامتاماسىز ەتۋ ءۇشىن شارالار قولعا الىنۋدا.