بۇگىن استانادا وتكەن ءباسپاسوز ءماسليxاتىندا قر ءدىن ىستەرى جانە ازاماتتىق قوعام ۆيتسە-ءمينيسترى بەرىك ارىن مەملەكەتتىك قىزمەتشىلەردىڭ ءدىني ۇستانىمىنا قاتىستى تۇسىنىكتەمە بەردى. سونداي-اق ول "مەملەكەتتىك قىزمەتشىلەر جۇما نامازىنا قاتىسا الا ما؟" دەگەن سۇراققا جاۋاپ بەردى, دەپ xابارلايدى قازاقپارات.
"مەملەكەتتىك قىزمەتشى اسكەري ادام سياقتى ناقتى ءبىر مىندەتتەرى بار تۇلعالار ساناتىنا جاتادى. ادام مەملەكەتتىك قىزمەتكە كەلگەننەن كەيىن ءتيىستى مىندەتتەردى ءوز موينىنا الادى. بۇل دەگەنىمىز, جۇمىس ۋاقىتىندا ول وزىنە جۇكتەلگەن مىندەتتەردى ورىنداۋى ءتيىس. قىزمەت ورنىندا ءوزىنىڭ ءدىني پايىمدارىن اشىق بىلدىرۋگە دە رۇقسات جوق. ونداي تالاپتار دىنگە عانا ەمەس, مەملەكەتتىك قىزمەتشىنىڭ كيىم-كيىسىنە دە قويىلادى. بۇدان بولەك, ەتيكا دەگەن ماسەلە بار. مەملەكەتتىك قىزمەتكەر مەملەكەتتىڭ "بەت-الپەتى" بولعاننان كەيىن, ءوزىن لايىقتى ۇستاپ, ءتيىستى ەرەجەلەردى ساقتاۋى قاجەت", - دەپ اتاپ كورسەتتى ب.ارىن.
ايتا كەتەيىك, وسىدان بەس جىل بۇرىن قابىلدانعان «ءدىني قىزمەت جانە ءدىني بىرلەستىكتەر تۋرالى» زاڭدى تۇسىندىرۋگە ارنالعان بۇگىنگى ءباسپاسوز ءماسليxاتىندا بەرىك ارىن دەسترۋكتيۆتى اعىم وكىلدەرىنىڭ يمامدارمەن داۋلاسىپ, مەشىتكە كەلۋشىلەردى قورقىتىپ جاتقانىن جەتكىزدى. وسى ورايدا ول دەرەۋ پوليتسياعا xابارلاسۋعا كەڭەس بەردى. سەبەبى ونداي ارەكەتتەر زاڭمەن قۋدالانادى.