2017 جىلى «قازكونتەنت» وتاندىق ينتەرنەت باق-تىڭ موبيلدىك نۇسقالارىن ىسكە قوسۋ جوباسىن جوسپارلاپ وتىر. بۇل تۋرالى بۇگىن پارلامەنت ماجىلىسىندەگى ۇكىمەت ساعاتىندا اقپارات جانە كوممۋنيكاتسيا ءمينيسترى داۋرەن اباەۆ مالىمدەدى.
«مينيسترلىك «قازكونتەنت» اق-مەن بىرلەسە وتىرىپ, 2016-2020 جىلدارعا وتاندىق باق-تار مەن ولاردىڭ ينتەرنەت-رەسۋرستارىن مودەرنيزاتسيالاۋ جوسپارىن جۇزەگە اسىرۋدا. «قازكونتەنتتىڭ» ءاربىر ينتەرنەت-جوباسى جاڭا فورماتتا جۇمىس ىستەۋدە. قازان ايىندا e-history.kz سايتى بىرەگەي تاريحي كونتەنتىمەن جانە جاڭا ينتەراكتيۆتى مۇمكىندىكتەرىمەن اۋقىمدى «National Digital History» پورتالىنا وزگەردى. سايتتىڭ جاڭا ديزاينى, لوگوتيپى دايارلانىپ, جاڭالىقتاردى بەرۋ باعىتى ايتارلىقتاي جاقساردى»,-دەدى د. اباەۆ.
«ادەبيەت پورتالى» باعىتىندا ءتيىستى شارالار اتقارىلىپ جاتقانىنا توقتالعان مينيستر, ونىڭ موبيلدىك قوسىمشاسىن ىسكە قوسۋ ەسكەرىلىپ وتىرعاندىعىن, ونىڭ كومەگىمەن شىعارمالاردى وقۋ مەن كىتاپتاردى تىڭداۋ قولايلى بولاتىنىن اتاپ ءوتتى.