پاۆلودار وبلىسىندا بيىل 82 ەگىز جانە 2 ۇشەم دۇنيەگە كەلگەن, دەپ حابارلايدى pavlodarnews.kz.
وبلىستىق دەنساۋلىق ساقتاۋ باسقارماسىنىڭ باسشىسى نۇرلان قاسىموۆتىڭ ايتۋىنشا, جىل باسىنان بەرى وڭىردە 10479 بالا ومىرگە كەلگەن.
«ونىڭ ىشىندە 5146 ءسابي وبلىستىق پەريناتالدىق ورتالىعىندا تۋعان. بالالاردىڭ 2873-ى ۇلدار بولسا, 2273-سى قىزدار, – دەيدى نۇرلان قاسىموۆ.
ۆەدومستۆو ۇسىنعان مالىمەتكە سۇيەنسەك, ايماقتا بيىل ايى-كۇنى تولماي تۋعان نارەستەلەردىڭ سانى ءبىرشاما ازايعان. ماسەلەن, بىلتىر 511 بالا مەرزىمىنەن بۇرىن دۇنيەگە كەلسە, بيىل ولاردىڭ سانى 488-گە ازايعان. بۇل فاكتورعا انانىڭ قان قىسىمىنىڭ ارتۋى, قانت ديابەتى, بۇيرەك اۋرۋلارى, تولىق جويىلماعان ءتۇرلى جۇقپالار, زياندى ادەتتەر, ءوندىرىس شارتتارى جانە دە باسقا جاعدايدار سەبەپ بولادى.
ايتا كەتەيىك, بيىلعى جىلى وبلىستا پەرزەنت سۇيگەن ەڭ جاسى ۇلكەن ايەل 44-تە بولسا, بىلتىر 49 جاستاعى انا دۇنيەگە ءسابي اكەلگەن.