بيىل العاش رەت بىرىڭعاي ديستريبيۋتور تەگىن مەديتسينالىق كومەكتىڭ كەپىلدىك بەرىلگەن كولەمى ء(ارى قاراي - تمككك) اياسىندا دارىلىك زاتتار مەن مەديتسينالىق ماقساتتاعى بۇيىمداردى ساتىپ الۋ الدىن الا وتكىزىلدى.
«1 جەلتوقسانداعى جاعداي بويىنشا 2017 جىلعا قاجەتتىلىكتەن بەرىلگەن وتىنىمدەردەن 95 پايىزى ساتىپ الىندى, ال قالعان 5 پايىزدىق بولىگى بويىنشا جىلدىڭ سوڭىنا دەيىن ىسكە اسىرىلادى. الدىن الا ۇنەمدەۋ 10 ملرد تەڭگەنى قۇرادى»,– دەلىنگەن دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مالىمەتىندە.
2017 جىلعا «سك فارماتسيا» جشس رەسپۋبليكانىڭ 1115 مەديتسينالىق ۇيىمدارى ءۇشىن بارلىعى 113,2 ملرد تەڭگەگە دارىلىك زاتتار مەن مەديتسينالىق ماقساتتاعى بۇيىمدار ساتىپ الادى. كەلەر جىلعا ساتىپ الىنعان 896 پرەپاراتتىڭ ىشىنەن 462-ءسى, ياعني 51,56% – وتاندىق ءونىم. 2010 جىلدان بەرى قازاقستاندىق قامتۋدىڭ كولەمى 6 ەسەگە ارتتى, ال وتكەن جىلمەن سالىستىرعاندا 5 ملرد. تەڭگەگە ارتتى.
ايتا كەتەيىك, بىرىڭعاي ديستريبيۋتور 15 قاراشادا تمككك اياسىندا ءدارى-دارمەكتەردىڭ 2016 جىلعا ارنالعان جىلدىق قاجەتتىلىگىن 100 پايىز كولەمىندە مەرزىمىنەن بۇرىن مەديتسينالىق ۇيىمدارعا جونەلتتى.