قاراعاندى قالاسىنىڭ «كەڭ دالا» شاعىن اۋدانىندا 400 ورىندى «شاڭىراق» مەملەكەتتىك بالاباقشاسى اشىلدى.
«ەل تاۋەلسىزدىگىنىڭ 25 جىلدىعى قارساڭىندا 400 بالاعا ارنالعان بالاباقشا اشىلدى. بالاباقشا قابىرعاسىندا ونەگەلى ءارى ەستەتيكالىق تاربيەمەن سۋسىنداعان بولاشاق ۇرپاعىمىز مەكتەپكە دايىندالادى. قازىرگى تاڭدا بالاباقشالار تەك بيۋدجەت ەسەبىنەن عانا ەمەس, كاسىپكەرلەردىڭ اتسالىسۋىمەن دە تۇرعىزىلىپ جاتىر. وسىعان دەيىن وبلىستا 27 جەكە بالالار باقشاسى سالىندى. مەملەكەت باسشىسىنىڭ 2020 جىلعا قاراي بالالاردى مەكتەپكە دەيىنگى مەكەمەلەرمەن تولىقتاي قامتاماسىز ەتەمىز دەگەن تاپسىرماسىن ورىندايتىنىمىزعا سەنىمدىمىن», - دەدى وبلىس اكىمى.
ن.ابدىبەكوۆ مەكتەپكە دەيىنگى مەكەمەگە تەلەديدار مەن ەلەكتروندى پيانينونى سىيلادى. بالاباقشانىڭ اشىلۋى 80-نەن استام ادامدى جۇمىسپەن قامتاماسىز ەتەدى. بۇدان بولەك, «شاڭىراق» ىشىندە اتا-انالارمەن شۇعىلدانۋعا ارنالعان «انامنىڭ مەكتەبى» ورتالىعى اشىلدى.