ارداگەرلەر ريزاشىلىعى

قازاقستان تاۋەلسىزدىگىنىڭ 20 جىلدىعى قارساڭىندا پارلامەنت ءماجىلىسىنىڭ دەپۋتاتى, «نۇر وتان» حدپ فراكتسياسى تورالقاسىنىڭ ماجىلىستەگى مۇشەسى مايرا ايسينا چەرنوبىل اەس-ىندەگى اپاتتى جويۋعا قاتىسۋشىلار مەن اقمولا وبلىسى زەرەندى اۋدانىنىڭ زەينەتكەرلەرىن ەلورداعا شاقىرعان ەدى. «بۇل ادامدار – مەنىڭ ءومىرىمنىڭ ءبىر ءبول­شەگى! مەن سول جەردە تۋىپ-ءوستىم. ولاردىڭ ارقايسىسى اتا-اناممەن بىرگە نە وزدەرى نە ولاردىڭ جاقىندارى مەنىڭ ادام قاتارىنا قوسىلۋىما قولۇشىن بەردى. مەنىڭ جەتكەن تا­بىستارىم – ولاردىڭ تابىستارى! سون­دىق­تان ولاردىڭ ومىرىنە از دا بولسا وزگەرىس اكەلىپ, ازعانتاي سەرپىن قوسۋعا ۇمتىلامىن. ءبىز­دىڭ ەلوردامىز ارقىلى ەلىمىزدىڭ جەتىستىكتەرىن كورسىن. ويتكەنى, ولاردىڭ ءوز بەتىمەن كەلىپ, استانانى كورۋىنە مۇمكىندىكتەرى جوق», دەيدى دەپۋتات. «بايتەرەكتى» كورۋ, اقوردانى, تاۋەل­سىز­دىك سارايىن, بەيبىتشىلىك جانە كەلىسىم سا­رايىن تاماشالاۋ ارداگەرلەردىڭ ارمانى ەكەن. بۇگىن سول ارماندارىنا جەتتى. اتالعان سا­پار, سونداي-اق ارداگەرلەرگە قازاقستان رەس­پۋبليكاسى تۇڭعىش پرەزيدەنتىنىڭ مۇرا­جاي­ىنا ەكسكۋرسيا جاساپ, ەلوردانىڭ قا­لىپ­تاسۋ تاريحىنا ءۇڭىلىپ, كۇن سايىنعى كۇيبەڭ تىرشىلىكتەن ارىلۋىنا ءارى ەلىمىزدە جاسالىپ جاتقان يگى ىستەرگە اسا ماڭىزدىلىقپەن شولۋ جاساۋىنا مۇمكىندىك بەردى. وسى جولى استاناعا كەلگەن ءاربىر ادام ەڭ ۇلكەن قۇرمەتكە لايىق. ولار كەزىندە بۇگىنگى تاۋەلسىز قازاقستان ءۇشىن ايانباي ەڭبەك ەتتى. ولار ەلىمىز جەتكەن جەتىستىكتىڭ قانداي باعالى ەكەندىگىن بىلەدى. سوندىقتان كەلگەندەرگە العىس ايتىپ, ولار ءۇشىن قانداي دا بولماسىن جاعىمدى, پايدالى ءىس جاساۋ اركىمنىڭ بورىشى دەپ بىلەمىز. ماجىلىستە بولعان كەزدەسۋگە دەپۋتاتتار نۇرتاي سابيليانوۆ, جەكسەنباي دۇيسەباەۆ, ناتاليا گەللەرت قاتىسىپ, ارداگەرلەرگە اۋىز سۋ, مەكتەپ, الەۋمەتتىك ماسەلەلەرگە قاتىستى اڭگىمەلەپ بەرىپ, ەڭبەكپەن قامتۋ باعدار­لا­ما­سىنان حاباردار ەتتى. ياحيدەن شالباەۆ, اعايدار يسين, تۇرلىبەك كەنجەعالين, تورعىن حاسەنوۆا سياقتى ارداگەرلەر ويلارىمەن ءبولىسىپ, مەملەكەت تاراپىنان وزدەرىنە جاسالىپ وتىرعان قامقورلىققا ريزاشىلىقتارىن ءبىلدىردى. ساۋلە دوسجانوۆا, جۋرناليست. -------------------------------------- سۋرەتتى تۇسىرگەن سايلىباي مايلىباەۆ.