قر پارلامەنتى سەناتىنىڭ جالپى وتىرىسىندا دەپۋتات ۆلاديمير رەدكوكاشين استانادا جاتاقحاناعا مۇقتاج ستۋدەنتتەرگە ەكسپو-نىڭ كەيبىر نىساندارىنان بولمە بەرۋدى سۇرادى, دەپ حابارلايدى قازاقپارات.
ۆ. رەدكوكاشين ءوز سوزىندە استانا مەديتسينا ۋنيۆەرسيتەتى مەن ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جاتاقحاناعا مۇقتاج ستۋدەنتتەر بارشىلىق ەكەنىن اتاپ ءوتتى. وسى ورايدا ول جوعارى وقۋ ورىندارى ۇجىمدارىمەن كەزدەسۋ بارىسىندا جاتاقحانا ماسەلەسىنە بايلانىستى وتىنىشتەر ايتىلعانىن جەتكىزدى.
«جالپى ەلورداداعى وقۋ ورىندارى بويىنشا جاتاقحانالاردا ورىنداردىڭ جەتىسپەۋشىلىگى بايقالىپ وتىر. بۇل تۇرعىداعى جاعدايدى شەشۋ ءۇشىن استاناداعى ەكسپو-2017 اياقتالعاننان كەيىن بوساتىلاتىن كەيبىر تۇرعىن ءۇي نىساندارىن ستۋدەنتتەر ءۇيى رەتىندە بەرىلسە دەگەن ۇسىنىسىمىز بار. وندا استانا مەديتسينا ۋنيۆەرسيتەتى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جانە ەلوداداعى وزگە دە جوو-لاردا وقيتىندار قونىستانا الار ەدى», - دەدى دەپۋتات.
بىرقاتار دەپۋتاتتاردىڭ اتىنان جولدانعان ساۋال قر پرەمەر-ءمينيسترى باقىتجان ساعىنتاەۆقا باعىتتالدى.