Aldiadallas.com مالىمەتى بويىنشا قازاقستاندىق گەننادي گولوۆكين (36-0, 33 كو) مەن مەكسيكالىق ساۋل «كانەلو» الۆارەس (48-1-1, 34 كو) اراسىنداعى ايقاس تەحاس شتاتىنىڭ ارلينگتون قالاسىنداعى AT&T Stadium ارەناسىندا ءوتۋى مۇمكىن.
اتالعان سايت مۇنداي شەشىمگە الۆارەستىڭ كىشى حۋليو سەزار چاۆەسپەن جەكپە-جەگىن لاس-ۆەگاستاعى T-Mobile Arena-دا وتكىزەتىندىگىنەن كەيىن كەلگەن. بۇعان دەيىن داللاس قالاسىنداعى ستاديوندا ءوتۋ مۇمكىندىگى حابارلانعان.
AT&T Stadium – «داللاس كوۆبويز» ۇلتتىق فۋتبول ليگاسى كلۋبىنىڭ ارەناسى. وتكەن جىلى «كانەلو» مەن ليام سميت اراسىنداعى ۇرىستا ستاديونعا 51,240 ادام كەلگەن. ال GGG-مەن ايقاسىنا 108,713 ادام كەلىپ, جاڭا رەكورد ورناتىلۋى مۇمكىن.
ايتا كەتەيىك, قازاقستاندىق بوكسشى مەن الۆارەس اراسىنداعى جەكپە-جەك وسى جىلدىڭ قىركۇيەك ايىندا ءوتۋى مۇمكىن ەكەندىگى حابارلانعان. ال اتالمىش ستاديوندا 16 قىركۇيەك كۇنى ەشقانداي ءىس-شارا جوسپارلانباعان.