ەدەن جۋشى جەتىسپەيدى

سەمەي قالالىق ءماسليحاتىنىڭ دەپۋتاتى ءامىرجان احمەد­جانوۆ­تىڭ ايتۋىنشا, بۇگىندە مەك­تەپتە بالا كوپ, ال ەدەن جۋاتىن ادام تاپشى. تالاپ بويىنشا 10 شتاتتىق بىرلىكتىڭ ورنىنا 5 ادام عانا جۇمىس ىستەپ ءجۇر. ءبىر ەدەن جۋشى ەكى ادامنىڭ جۇمىسىن اتقارۋعا ءماجبۇر. ال قالالىق ەكونوميكا جانە بيۋدجەتتى جوس­پارلاۋ ءبولىمىنىڭ جەتەكشىسى گۇلجان التىنبەكوۆا بۇل ماسە­لەنى بىلاي دەپ ءتۇسىندىردى: – مەكتەپتەر بويىنشا وسىدان ءۇش جىل بۇرىن 600 تەحنيكالىق قىزمەتكەر جەتىسپەيتىن. ءبىلىم ءبولىمىنىڭ ماماندارى بۇل سۇرا­نىستى جىل سايىن بىرتىندەپ قامتىپ كەلەدى. ءالى دە 300 ادام قاجەت. بىردەن اقشا بولۋگە ءمۇم­كىندىگىمىز جوق. سوندىقتان جىل سايىن بۇل ماسەلەنى نازاردا ۇستايمىز. سەمەي قالالىق ءبىلىم ءبولىمى باسشىسىنىڭ ورىنباسارى سارا ەلەۋسىزوۆانىڭ ايتۋىنشا, ازىرگە مەكتەپتەرگە 493 تەحنيكالىق قىزمەتكەر ءبولىنىپتى. كەلەر جىلى 139 شتات بەرىلمەك. دەپۋتاتتار جاڭا جۇمىس ورنىن كۇتىپ وتىرۋعا بولمايتىندىعىن, ادام كوپ شوعىر­لانعان مەكتەپتەردە تازا­لىق بولۋى كەرەكتىگىن ايتىپ اتالعان جاعدايدى تەزىرەك شەشۋدى ۇسىندى. راۋشان نۇعمانبەكوۆا, جۋرناليست سەمەي