كونستيتۋتسياعا وزگەرىستەر تالقىلاندى
پارلامەنت سەناتىنىڭ دەپۋتاتى نۇرلان قىلىشباەۆ الماتى وبلىسىنداعى ۇيعىر اۋدانىندا بولدى. سەناتور اۋداندىق ءماسليحات دەپۋتاتتارىمەن, اكىمدىك قىزمەتكەرلەرىمەن, قۇقىق قورعاۋ ورگاندارى جانە بۇقارالىق اقپارات قۇرالدارىنىڭ وكىلدەرىمەن, شارۋا قوجالىقتارىنىڭ باسشىلارىمەن جانە جەرگىلىكتى تۇرعىندارمەن كەزدەستى.
مەملەكەت باسشىسىنىڭ بيلىك تارماقتارى اراسىنداعى وكىلەتتىكتەردى ءبولۋ جونىندەگى ۇندەۋى جان-جاقتى تالقىلاندى. دەپۋتات باسقارۋ جۇيەسىن جاڭعىرتۋداعى پارلامەنتتىڭ رولىنە ەگجەي-تەگجەيلى توقتالدى. كەزدەسۋ بارىسىندا ەلباسىنىڭ جولداۋىنداعى نەگىزگى ەرەجەلەردى تالقىلاۋعا باسا نازار اۋدارىلدى. ۇيعىر اۋدانىنىڭ تۇرعىندارى مەملەكەتتەگى ءۇشىنشى جاڭعىرۋ تەتىكتەرى تۋرالى بىرقاتار ساۋالدار قويدى. ن.قىلىشباەۆ ەلىمىزدە ەۋرازياداعى اۋىل شارۋاشىلىعى نارىعىنا نەگىزگى قاتىسۋشى بولاتىن قۋاتتى اۋىل شارۋاشىلىعى كلاستەرىن قۇرۋعا باعىتتالعان قازاقستاننىڭ اگرارلىق كەشەنىن رەفورمالاۋ ستراتەگياسىن جينالعاندارعا جان-جاقتى ايتىپ بەردى. نۇربول الدىباەۆ, «ەگەمەن قازاقستان» الماتى وبلىسىۇسىنىس-پىكىرلەرىن ءبىلدىردى
سەنات دەپۋتاتى, كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى سەرىك اقىلباي مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندە اتا زاڭعا ەنگەن وزگەرتۋلەردى جانە ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ نەگىزگى ەرەجەلەرىن ءتۇسىندىرۋ ماقساتىندا قاراعاندى وبلىسى بۇقار جىراۋ اۋدانىنىڭ تۇرعىندارىمەن كەزدەستى.
بەلاعاش اۋىلدىق وكرۋگىندە, بۇقار جىراۋ اۋدانىنىڭ ورتالىعى – بوتاقارا كەنتى جانە عابيدەن مۇستافين كەنتى جۇرتشىلىعىمەن كەزدەسۋ بارىسىندا ەلىمىزدىڭ نەگىزگى زاڭى – كونستيتۋتسياعا وزگەرتۋلەر مەن بيىلعى جولداۋدىڭ نەگىزگى باعىتتارى بويىنشا سەنات دەپۋتاتىنا بىرقاتار سۇراق قويىلىپ, ۇسىنىس-پىكىرلەر ايتىلدى. بەلاعاش اۋىلدىق وكرۋگىندە «ۆوزروجدەنيە» شارۋا قوجالىعىنىڭ باسشىسى مالدىڭ تەك قانا ءسۇتى مەن ەتىن ەمەس, ونىڭ ءمۇيىزىن, تۇياقتارىن, سونداي-اق تەرىسى مەن ءجۇنىن دە الىپ, كووپەراتيۆتەرگە تاپسىرىپ, ءوندىرۋگە بولاتىندىعى تۋرالى پىكىرىن ءبىلدىردى. اگرارلىق سالا بويىنشا الەمدەگى ۇزدىك ەلدەردىڭ تەحنولوگياسى مەن ءتاجىريبەسىن پايدالانساق, ەكسپورتتى ارتتىرۋعا دا, جاھان نارىعىندا ءوزىمىزدىڭ برەندىمىزدى قالىپتاستىرۋعا دا مۇمكىندىگىمىز زور ەكەنىن ايتقان سەنات دەپۋتاتى وعان ەلىمىزدە رەسۋرستارىمىز جەتكىلىكتى ەكەنىن اتاپ ءوتتى. ميراس اسان,«ەگەمەن قازاقستان» قاراعاندى وبلىسىءۇشىنشى جاڭعىرتۋ مىندەتتەرىن ءتۇسىندىردى
پارلامەنت سەناتىنىڭ دەپۋتاتتارى سەرىك نۇرعاليەۆ جانە جەڭىس بەكتۇرعانوۆ قوستاناي وبلىسىنا جۇمىس ساپارلارى بارىسىندا ايماقتىڭ سوت كورپۋسىمەن كەزدەسۋ وتكىزدى.
كەزدەسۋدە ەلباسىنىڭ قازاقستان حالقىنا ارناعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ىسكە اسىرۋ بارىسىنداعى بارلىق دەڭگەيدەگى سوت قىزمەتكەرلەرىنىڭ مىندەتتەرى تالقىلاندى. سونداي-اق, كەزدەسۋدە ەلىمىزدىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى ۇسىنىستار دا ەگجەي-تەگجەيلى قارالىپ, تالقىلاندى. سەناتورلار ءوز سوزدەرىندە بيلىكتىڭ اتقارۋشى جانە زاڭ شىعارۋشى تارماقتارىنىڭ ءرولىن نىعايتۋ, ساياسي جۇيەنى ودان ءارى دەموكراتيالاندىرۋ جانە جەرگىلىكتى مەملەكەتتىك باسقارۋ مەن ءوزىن-ءوزى باسقارۋ جۇيەسىن جاڭعىرتۋ تۋرالى اڭگىمەلەدى. وسىعان بايلانىستى پارلامەنت بىرقاتار زاڭدار قابىلدايتىن بولادى جانە قولدانىستاعى زاڭناماعا وزگەرىستەر ەنگىزىلەدى. كەزدەسۋ بارىسىندا اكىمشىلىك جانە قىلمىستىق زاڭنامانى ىزگىلەندىرۋ ماسەلەسىنە, سونداي-اق سوت جۇيەسىنە حالىقتىڭ سەنىمىن ارتتىرۋ شارالارىنا ەرەكشە نازار اۋدارىلدى. ءنازيرا جارىمبەتوۆا, «ەگەمەن قازاقستان» قوستاناي وبلىسىجەرگىلىكتى حالىقپەن كەزدەستى
پارلامەنت سەناتىنىڭ دەپۋتاتى بەكمىرزا ەلامانوۆ قىزىلوردا قالاسىندا بولىپ, قالا اكتيۆىمەن, ارداگەرلەرمەن جانە جەرگىلىكتى تۇرعىندارمەن كەزدەستى.
كەزدەسۋ بارىسىندا قازاقستان رەسپۋبليكاسىنىڭ پرەزيدەنتى ن.نازارباەۆتىڭ مەملەكەتتىك بيلىك تارماقتارى اراسىندا وكىلەتتىكتەردى قايتا ءبولۋ تۋرالى ۇندەۋىن ءتۇسىندىرۋ جانە «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» حالىققا جولداۋىن ناسيحاتتاۋ جۇمىستارى جۇرگىزىلدى.
جۇزدەسۋ بارىسىندا سەناتور مىندەتتى الەۋمەتتىك ساقتاندىرۋ جۇيەسىنە قاتىستى قويىلعان سۇراقتارعا جاۋاپ بەردى. ۇلتىمىزدىڭ دەنساۋلىعىن ساقتاۋ ەلىمىزدىڭ باستى ماسەلەلەرىنىڭ ءبىرى ەكەنىن ايتقان ب.ەلامانوۆ مەديتسينا سالاسىنداعى جاسالىپ جاتقان رەفورمالار حالىقتىڭ دەنساۋلىعىن جاقسارتۋعا باعىتتالعاندىعىن اتاپ ءوتتى.
ەرجان بايتىلەس, «ەگەمەن قازاقستان»
قىزىلوردا وبلىسى