«قازاۆتوپروم» وداعى سوڭعى 5 جىلدا قازاقستاننىڭ كولىك سالاسىنان تۇسكەن سالىقتىق تۇسىمدەردىڭ قارقىنى تۋرالى مالىمەتتەر ۇسىندى, دەپ xابارلايدى قازاقپارات.
2012-2016 جىلدارى قازاقستان قازىناسىنا تۇسكەن سالىق كولەمى 145,9 ملرد تەڭگەنى قۇراعان. سالىقتىق تۇسىمدەر ەڭ كوپ تۇسكەن كەزەڭ 2014 جىلعا كەلگەن - 43 ملرد. تەڭگە. ەڭ از كورسەتكىش 2012 جىلى تىركەلىپ وتىر - 16,1 ملرد. تەڭگە.
بەس جىلدىق كەزەڭنىڭ قورىتىندىسى بويىنشا, سالانىڭ ەڭ ءىرى سالىق تولەۋشىسى «بيپەك اۆتو» - «ازيا اۆتو» xولدينگتەرى اتانىپ وتىر. ونىڭ ۇلەسىنە بارلىق سالىقتىڭ 40,1%-ى نەمەسە 58,6 ملرد. تەڭگە تيۋدە.
ودان كەيىن Toyota Motor Kazakhstan (16%; 23,4 ملرد تەڭگە), كمك Astana Motors (14%; 20,5 ملرد تەڭگە), Mercur Auto (4,3%; 6,3 ملرد تەڭگە), اۆتومير (3,8%; 5,6 ملرد تەڭگە) تۇر. توپ وندىققا كاسپيان موتورس (2,8%; 4,1 ملرد تەڭگە), ۆيراج (2%; 3 ملرد تەڭگە), Nomad Motors (2%; 2,9 ملرد تەڭگە), Allur Auto (1,9%; 2,8 ملرد تەڭگە) جانە ۋرال-كروۆ (1,8%; 2,6 ملرد تەڭگە) كىرگەن.
ايتا كەتەيىك, «قازاۆتوپروم» قازاقستاننىڭ اۆتوموبيل كاسىپورىندارى وداعى» 2015 جىلى قۇرىلدى جانە ەلىمىزدىڭ اۆتوموبيل يندۋسترياسىنىڭ بارلىق قاتىسۋشىلارىن بىرىكتىرەدى. ونىڭ ۇلەسىنە قازاقستان كولىك ونەركاسىبى شىعارعان ءونىمىنىڭ 60%-ى كىرەدى.