وڭتۇستىك قازاقستان وبلىسىنىڭ اكىمى ج.تۇيمەباەۆ وڭىرگە ارنايى جۇمىس ساپارىمەن كەلگەن قر پارلامەنتى ءماجىلىسىنىڭ دەپۋتاتتارىمەن كەزدەستى, دەپ حابارلادى وقو اكىمىنىڭ ءباسپاسوز قىزمەتى.
ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا ارناعان جولداۋى مەن ساياسي رەفورمالاردى ءوڭىر جۇرتشىلىعىنا ناسيحاتتاۋ ماقساتىندا جۇمىس ساپارىمەن كەلگەن قر پارلامەنتى ءماجىلىسى دەپۋتاتتارىنىڭ ىشىندە ەرجان قۇدايبەرگەن, كارىباي مۇسىرمان, باقتىقوجا ىزمۇحامبەتوۆ, جانات جاراسوۆ, ەرسۇلتان بەكتۇرعانوۆ, مۇحتار ەرمان مەن فاحريددين قاراتاەۆ بار.
كەزدەسۋ بارىسىندا ايماق باسشىسى مەملەكەت باسشىسىنىڭ جولداۋىندا اتاپ كورسەتىلگەن مىندەتتەردى نەگىزگە الا وتىرىپ, وبلىستىڭ الەۋمەتتىك - ەكونوميكالىق دامۋى مەن ساياسي تۇراقتىلىعىن قامتاماسىز ەتۋ باعىتىندا جۇيەلى جۇمىستار اتقارىلاتىنىن اتاپ ءوتتى.
ءوز كەزەگىندە, حالىق قالاۋلىلارىەلباسىنىڭ بيىلعى جولداۋى بۇرىنعى ساياسي قۇجاتتاردان ەرەكشە ەكەنىنە توقتالىپ, ونى جۇزەگە اسىرۋ ورتاق مىندەت ەكەنىن ايتتى. سونداي-اق, ولار بۇل جاڭعىرۋ – قازىرگى جاھاندىق سىن-قاتەرلەرمەن كۇرەس جوسپارى ەمەس, بولاشاققا - «قازاقستان-2050» ستراتەگياسى ماقساتتارىنا باستايتىن سەنىمدى كوپىر بولاتىنىن جەتكىزدى.
كەزدەسۋدە تاراپتار پرەزيدەنتتىڭ ۇندەۋىندە ايتىلعان الەۋمەتتىك-ەكونوميكالىق پروتسەستەردى رەتتەۋدەگى ءبىرشاما وكىلەتتىكتەردىڭ ۇكىمەتكە جانە باسقا دا اتقارۋشى ورگاندارعا بەرىلگەنىن اتاپ ءوتىپ, وسى باعىتتا بىرلەسە جۇمىس اتقارۋدى ءسوز ەتتى.
وسى ساتتە, دەپۋتاتتار دۇنيەجۇزىلىك قىسقى ۋنيۆەرسيادا-2017 ويىندارىنان جەڭىسپەن ورالعان وڭتۇستىقازاقستاندىق سپورتشىلاردى قۇتتىقتاپ, ەل نامىسىن قورعاپ, كوك تۋىمىزدى قالىقتاتقان سپوتشىلارىمىزعا كەلەسى وليمپيادا ويىندارىندا دا قازاقستان قورجىنىنا مەدال سالاتىندارىنا سەنىم ءبىلدىردى جانە ساتتىلىك تىلەدى.
ايتا كەتەيىك, قر پارلامەنتى ءماجىلىسىنىڭ دەپۋتاتتارى 2-10 اقپان ارالىعىندا ايماقتاعى 15 اۋدان, قالادا بولىپ, تۇرعىندارمەن كەزدەسەدى.