قر مادەنيەت جانە سپورت مينيسترلىگى جانىندا تۋريزم يندۋسترياسى كوميتەتى قۇرىلادى. بۇل تۋرالى Facebook-تەگى پاراقشاسىندا قر يدم تۋريزم يندۋسترياسى دەپارتامەنتىنىڭ ديرەكتورى مارات يعالي جازدى.
«2017 جىلدىڭ 1 اقپانىندا قر مادەنيەت جانە سپورت مينيسترلىگىندە ۆەدومستۆو باسشىسى ارىستانبەك مۇحامەدي ۇلىنىڭ توراعالىعىمەن تۋريزم سالاسىن دامىتۋعا بايلانىستى كەڭەس ءوتتى. مينيستر ۇكىمەت تۋريزم بويىنشا وكىلەتتى ورگاننىڭ مارتەبەسىن كوتەرۋ مەن نىعايتۋ تۇرعىسىندا شەشىم قابىلداعانىن ايتتى. جاقىن ارادا مادەنيەت جانە سپورت مينيسترلىگى جانىندا تۋريزم يندۋسترياسى كوميتەتى قۇرىلاتىن بولادى», - دەپ جازدى يعالي.
ونىڭ ايتۋىنشا, كەڭەس بارىسىندا 2020 جىلعا دەيىنگى قازاقستان رەسپۋبليكاسىنىڭ ءتۋريزمدى دامىتۋ تۇجىرىمداماسىنىڭ جوباسى تانىستىرىلعان. كلاستەرلىك باعدارلاماعا ەلىمىزدە التى كلاستەر قامتىلعان: استانا قالاسى («ەۋرازيا جۇرەگى»), الماتى قالاسى («ەركىن مادەني ايماق»), اقمولا وبلىسى («تابيعيت پەن كوشپەلى مادەنيەتتىڭ تۇتاستىعى»), شىعىس قازاقستان وبلىسى («التاي ءىنجۋى»), وڭتۇستىك قازاقستان وبلىسى («جىبەك جولىنىڭ جاندانۋى»), ماڭعىستاۋ وبلىسى («كەندىرلى» كاسپي قاقپاسى).
جيىن بارىسىندا ا. مۇحامەدي ۇلى وتاندىق تۋريستىك قاۋىمداستىقتاردى 2020 جىلعا دەيىنگى قازاقستان رەسپۋبليكاسىنىڭ ءتۋريزمدى دامىتۋ تۇجىرىمداماسىنىڭ جاڭارۋىنا بەلسەندى تۇردە قاتىسۋعا شاقىردى.