بۇكىلالەمدىك بوكس قاۋىمداستىعى (WBA) Caribe Promotions كومپانياسىن اۋىر سالماقتاعى regular الەم چەمپيونى قازاقستاندىق بەيبىت شۇمەنوۆ پەن وسى سالماقتاعى ۋاقىتشا چەمپيون اتاعىنا يە كۋبالىق بوكسشى يۋنيەر دورتيكوس اراسىنداعى جەكپە-جەكتى ۇيىمداستىرۋ بويىنشا ەكسكليۋزيۆ قۇقىعىنان ايىردى, دەپ حابارلايدى vesti.kz.
دورتيكوستىڭ مۇددەسىن قورعايتىن Caribe Promotions كومپانياسى پروموۋتەرلىك ساۋدانى (350 001 دوللار) بىلتىر قاراشا ايىندا ۇتىپ العان بولاتىن. وسى ارقىلى ولار جەكپە-جەكتى ءۇش اي ىشىندە وتكىزۋگە مىندەتتەلگەن ەدى. الايدا, WBA بىرنەشە رەت سۇرانىس جاساعانىمەن, ەش دايىندىق جۇرگىزىلمەگەن. ونىڭ ۇستىنە دورتيكوستىڭ كومانداسى 11 اقپانعا بەلگىلەنگەن جەكپە-جەكتى كەيىنگە شەگەرۋدى سۇراعان.
وسىلايشا, جەكپە-جەك وتكىزۋ قۇقىعى پرومۋوتەرلىك ساۋدا كەزىندە ەكىنشى بولعان توم براۋنعا (TGB Promotions كومپانياسى) ءوتتى.
ايتا كەتەيىك, شۇمەنوۆ-دورتيكوس جەكپە-جەگىنىڭ جەڭىمپازى WBA ۇيىمىنىڭ قازىرگى «سۋپەرچەمپيونى» دەنيس لەبەدەۆكە مىندەتتى قارسىلاس بولادى.