ۋەفا 2015-2016 ماۋسىمىنىڭ قورىتىندىسى بويىنشا «Fair Play» رەيتينگىن جاريالادى. مۇندا 2015 جىلدىڭ 1 مامىرى مەن 30 ماۋسىمى ارالىعىندا ويناعان قۇرامالار مەن كلۋبتاردىڭ ويىندارى ەسەپكە الىندى. بۇل تۋرالى vesti.kz حابارلادى.
جاڭا ەرەجەگە بويىنشا, ونىڭ بىرنەشە كورسەتكىشى شىعارىلدى. جەڭىمپازدار ءۇش كاتەگوريا بويىنشا انىقتالدى. ولار – جانكۇيەرلەر ءتارتىبى, ماۋسىم ۇزدىگى جانە جالپى «Fair Play» رەيتينگىسى.
جانكۇيەرلەر ءتارتىبى بويىنشا قازاقستان 8,617 ۇپاي جيناپ, بەسىنشى ورىنعا جايعاستى. كوش باسىندا ەستونيا, يسلانديا, نورۆەگيا جانە ۋەلس قۇرامالارى تۇر. بۇل كورسەتكىشتە قازاقستان يسپانيا, انگليا, فرانتسيا جانە گەرمانيا ەلدەرىنەن باسىم ءتۇستى.
قازاقستان ۇزدىك بەستىككە «Fair Play» ەرەجەسىن ساقتاپ, قازاقستاندىق فۋتبولشىلارعا قولداۋ كورسەتكەن جانكۇيەرلەردىڭ ارقاسىندا ەندى.
«ماۋسىم ۇزدىگى» كاتەگورياسى بويىنشا قازاقستان توعىزىنشى ورىننان كورىندى. 2015 جىلعى ماۋسىممەن سالىستىرعاندا 2016 جىلى 0,379 ۇپاي ارتىق جينادى. بۇل اتالىم بويىنشا بەلارۋس توپ باسىندا. ەكىنشى ورىندا – ءازىربايجان. ۇزدىك ۇشتىككە لاتۆيا ەندى.
اتالعان رەيتينگىنىڭ جالپى قورىتىندىسى بويىنشا 8,469 ۇپايمەن نورۆەگيا الدا كەلەدى. ەكىنشى جانە ءۇشىنشى ورىنداردى فينليانديا مەن شۆەتسيا ءبولىستى. قازاقستان 8,258 ۇپاي جيناپ, 15-ساتىعا ورنالاستى.
ۋەفا ءار رەيتينگتىڭ جەڭىمپازىنا 50 000 ەۋرو بولەدى. قاراجات «Fair Play» جوبالارىن جۇزەگە اسىرۋعا جۇمسالادى. بيىل بۇل سىياقىنى ەستونيا, بەلارۋس جانە نورۆەگيا ەلدەرى الدى.
ايتا كەتەيىك, «Fair Play» باعاسىن ۋەفا دەلەگاتتارى بەرەدى. ولار جانكۇيەرلەر مەن كوماندالاردىڭ تارتىبىنە سۇيەنەدى. سونىمەن قاتار, قارسىلاس پەن تورەشىگە دەگەن قۇرمەت باعالانادى. ويىنشىلاردىڭ سارى جانە قىزىل قاعاز الۋى دا كورسەتكىشكە اسەرىن تيگىزەدى.