جاپونيالىق اۆتوكونتسەرن جۇرگىزۋشىمەن قارىم-قاتىناس جاساپ وتىراتىن كولىك جاساپ شىعاردى, - دەپ حابارلايدى Autonews.ru.
Toyota كومپانياسى Concept-i اتتى جاڭا كونتسەپت ۇسىندى. كولىك لاس-ۆەگاستا ءداستۇرلى تۇردە وتەتىن تۇتىنۋشىلىق ەلەكترونيكا كورمەسىندە تانىستىرىلدى. كولىكتىڭ ديزاينى دا ەرەكشە, ونىڭ سىرت كەلبەتىمەن Calty Design Research Toyota ستۋدياسى اينالىستى.
جاڭا كولىك Yui جاساندى ينتەللەكتىمەن جاراقتاندىرىلعان. تەحنولوگيا ۇنەمى جەتىلىپ وتىرادى جانە كولىك يەسىنە ىڭعايىنا قاراي وزگەرىپ وتىرادى. مىسالى, كولىك باعىتتاردى ەستە ساقتاپ, تۇراقتاعى ورىن ءۇشىن الدىن الا تولەم جاساي الادى نەمەسە باراتىن ورىنعا بارىنشا ىڭعايلى ءادىس تاڭدايدى. سونىمەن قاتار, جاڭا جۇيە جۇرگىزۋشىنىڭ دەنساۋلىعى مەن كوڭىل-كۇيىن باقىلاپ وتىرادى.
پروتوتيپتە قۇرىلعىلار پانەلى جوق, بارلىق اقپارات الدىڭعى تەرەزەگە شىعارىلادى. Concept-i جۇرگىزۋشىنىڭ كوڭىل-كۇيى مەن تاڭداۋىنا بايلانىستى سالون ءتۇسىن وزدىگىمەن اۋىستىرا الادى. ارنايى پانەل ارقىلى ول جولداعى وزگە جۇرگىزۋشىلەرگە بەلگى بەرىپ, ولاردى جولدىڭ جاعدايى, قاۋىپتى جول بولىگى مەن جول كولىك وقيعالارى جايىندا ەسكەرتە الادى.
كولىك ءوزىن اۆتونومدى تۇردە باسقارا الادى. ال Concept-i كولىگىن باسقارۋدى جۇرگىزۋشى ءوز قولىنا العان كەزدە Yui كەڭەس بەرۋ قىزمەتىن ىسكە قوسادى.
مۇنىڭ الدىندا Toyota جاساندى ينتەللەكت جاساپ شىعارۋعا ءبىر ميلليارد دوللار جۇمساۋدى جوسپارلاپ وتىرعانى بەلگىلى بولعان ەدى. جاساندى ينتەللەكت جاساۋشى كومپانيا اقش-تاعى سيليكون جازىعىندا ورنالاسىپ, Toyota Research Institute دەگەن اتاۋ الادى. كومپانيا ستەنفورد ۋنيۆەرسيتەتى جانە ماسساچۋسەتس تەحنولوگيالىق ينستيتۋتىمەن بىرىگىپ جۇمىس ىستەيتىن بولادى.