وبلىس ورتالىعىنداعى سۋۆوروۆ كوشەسى بويىندا ورنالاسقان ارداگەرلەرگە ارنالعان تۇرعىن ۇيگە تاعى دا ءبىر مايدانگەر كەلىپ قونىستاندى. ول – ىرگەباي جۇمابەكوۆ. اقساقالدىڭ ايتۋىنشا, ءۇي الۋعا بايلانىستى بەرگەن وتىنىشىنە وراي قۇجاتتارى ەكى اپتانىڭ ىشىندە قارالىپتى. ال, پاتەر كىلتىن الۋ ءۇشىن قالا اكىمى باقىتجان جولامانوۆتىڭ قابىلداۋىنا كەلىڭىز, – دەگەندى ەستىگەندە قاتتى تاڭقالىپتى. بالا-شاعاسى, نەمەرەلەرىنىڭ ورتاسىندا اقار-شاقار ءومىر ءسۇرىپ جاتقان اقساقال قارتايعان شاعىندا ءوزىنىڭ جەكە پاتەرى بولاتىنىن ويلاماعان دا شىعار. بۇيىرعان كەتپەيدى دەگەن وسى ەكەن.
ءيا, ىرگەباي اتا ەل ءتاۋەلسىزدىگىنىڭ ارقاسىندا وسىنداي ءبىر جاقسى سىيلىققا قول جەتكىزدى. كەنىشتە ءجۇرىپ كەن قازعان قاجىرلى ەڭبەگى زايا كەتپەپتى. سوناۋ ءبىر جىلعى 41-ءدىڭ سوعىسىندا تاگانروگ, دونداعى روستوۆ قالالارىن قورعاۋعا قاتىسىپ, ستالينگراد شايقاسىندا بولعان كورىنەدى. سوعىستان كەيىنگى جىلدارى «مايقايىڭ التىن» كەنىشىندە قاراپايىم جۇمىسشى بولىپ ەڭبەك ەتىپتى. ىرگەباي اقساقالدىڭ ەلىمىزدىڭ قۇرمەتتى مەتاللۋرگى دەگەن اتاعى دا بار.
ارينە, بالالارى ءوزدەرىن ايالاپ وسىرگەن اكەلەرىنىڭ جاڭا پاتەر العانىنا قۋانىشتى. ءسويتىپ, ەندى, ىرگەباي اتا دا وبلىس ورتالىعىندا, قالادا ءساندى دە جايلى پاتەردە تۇراتىن بولدى. وبلىس اكىمى باقىتجان ساعىنتاەۆتىڭ باستاماسىمەن جاڭادان بوي كوتەرگەن ارنايى «ارداگەرلەر ءۇيى» اتالعان بۇل ۇيدە قارت كىسىلەر ءۇشىن بارلىق جاعداي جاسالعان. تومەنگى قاباتتا ءدۇكەن, شاشتاراز, ءدارىگەرلىك ءبولىمشە, باسقا دا الەۋمەتتىك ءبولمەلەر قىزمەت كورسەتەدى.
فاريدا بىقاي, پاۆلودار.