2011 جىلعى 2 شىلدە, استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر مەن تولىقتىرۋلار بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 2 شىلدەدەگى №761 قاۋلىسىمەن بەكىتىلگەن
قازاقستان رەسپۋبليكاسى ۇكىمەتىنىڭ كەيبىر شەشىمدەرىنە
ەنگىزىلەتىن وزگەرىستەر مەن تولىقتىرۋلار
1. «جول شارۋاشىلىعىن قۇقىقتىق قامتاماسىز ەتۋدى جەتىلدىرۋ تۋرالى» قازاقستان رەسپۋبليكاسى ۇكىمەتىنىڭ 1998 جىلعى 5 قىركۇيەكتەگى № 845 قاۋلىسىندا (قازاقستان رەسپۋبليكاسىنىڭ ءپۇاج-ى, 1998 ج., № 31, 269-قۇجات):
1) كىرىسپە جاڭا رەداكتسيادا جازىلسىن:
«قازاقستان رەسپۋبليكاسىنىڭ 2003 جىلعى 20 ماۋسىمداعى جەر كودەكسىنە, قازاقستان رەسپۋبليكاسىنىڭ «قازاقستان رەسپۋبليكاسىنداعى كولىك تۋرالى» 1994 جىلعى 21 قىركۇيەكتەگى, «جول قوزعالىسىنىڭ قاۋىپسىزدىگى تۋرالى» 1996 جىلعى 15 شىلدەدەگى, «اۆتوموبيل جولدارى تۋرالى» 2001 جىلعى 17 شىلدەدەگى زاڭدارىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:»;
2) 1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان:
1) قازاقستان رەسپۋبليكاسىنىڭ اۋماعىندا اۆتوموبيل جولدارىن پايدالانۋدىڭ ءتارتىبى;
2) جالپى پايدالانىمداعى اۆتوموبيل جولدارىنىڭ جولاق بولىگىندە سىرتقى (كورنەكى) جارنامانى ورنالاستىرۋ ءتارتىبى بەكىتىلسىن.»;
3) كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ اۋماعىندا اۆتوموبيل جولدارىن پايدالانۋدىڭ تارتىبىندە:
2-تارماقتىڭ ەكىنشى سويلەمى الىنىپ تاستالسىن;
3-تارماق الىنىپ تاستالسىن;
5-تارماق مىناداي رەداكتسيادا جازىلسىن:
«5. جول قوزعالىسىنا قاتىسۋشىلاردىڭ:
1) قازاقستان رەسپۋبليكاسىنىڭ قولدانىستاعى زاڭناماسىنا جانە وسى تارتىپكە سايكەس جالپى پايدالانىمداعى اۆتوموبيل جولدارى بويىنشا ەركىن, كەدەرگىسىز جۇرۋگە;
2) جول ورگاندارى مەن جول پوليتسياسى بولىمشەلەرىنىڭ لاۋازىمدى ادامدارىنان جولدار بويىنشا قوزعالىستىڭ توقتاتىلۋىنىڭ نەمەسە شەكتەلۋىنىڭ سەبەپتەرى تۋرالى تۇسىندىرمە الۋعا;
3) ءجۇرۋ شارتتارى, كورسەتىلەتىن قىزمەتتەر تۋرالى, جول ورگاندارىنىڭ جول قوزعالىسى قاۋىپسىزدىگىن قامتاماسىز ەتۋدەگى قۇقىقتارى مەن مىندەتتەرى جانە جاۋاپكەرشىلىگى تۋرالى تولىق جانە دۇرىس اقپارات الۋعا;
4) جول-كولىك وقيعاسى بولعان جاعدايدا وقيعا بولعان جەردە دە, مەديتسينالىق مەكەمەگە بارا جاتقان جولدا دا تەگىن مەديتسينالىق كومەكتىڭ كەپىلدىك بەرىلگەن كولەمىن, سونداي-اق جول-كولىك وقيعاسى كەزىندە جول ورگاندارىنان, جول پوليتسياسى بولىمشەلەرىنەن جانە قىزمەتى جول قوزعالىسىنىڭ قاۋىپسىزدىگىن قامتاماسىز ەتۋگە بايلانىستى لاۋازىمدى ادامداردان باسقا دا قاجەتتى دارىگەرگە دەيىنگى كومەك الۋعا;
5) جول-كولىك وقيعاسىنىڭ ناتيجەسىندە كولىك قۇرالى جانە (نەمەسە) جۇك زاقىمدانعان جاعدايلاردا زاڭنامادا بەلگىلەنگەن تارتىپپەن زالالدىڭ وتەلۋىنە;
6) جول ورگاندارى لاۋازىمدى ادامدارىنىڭ ءىس-ارەكەتتەرىنە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن شاعىمدانۋعا قۇقىعى بار.»;
8-9-تارماقتار مىناداي رەداكتسيادا جازىلسىن:
«8. اۆتوموبيل جولدارىنداعى جانە جول قۇرىلىستارىنداعى قوزعالىس قاۋىپسىزدىگىنە قاۋىپ توندىرەتىن اقاۋلاردى بايقاعان كولىك قۇرالدارىن جۇرگىزۋشىلەر مەن ازاماتتار اقاۋلاردى ءوز كۇشتەرىمەن جويۋ جونىندە قولدارىنان كەلەتىن شارالار قابىلدايدى نەمەسە ول تۋرالى جول ورگانىنا نەمەسە جول پوليتسياسى بولىمشەسىنە دەرەۋ حابارلايدى.
9. كولىك قۇرالدارىنىڭ توسەمى جەتىلدىرىلگەن جولعا شىعار جەردە ونى پايدالانۋعا جاۋاپتى لاۋازىمدى نەمەسە باسقا تۇلعالار, مەنشىك نىساندارىنا قاراماستان جەر جانە قۇرىلىس جۇمىستارىن جۇرگىزىپ جاتقان ۇيىمدار, كولىك قۇرالدارىنىڭ بالشىقتان تازارتىلۋىن قامتاماسىز ەتەدى جانە ونىڭ جولدىڭ ءجۇرۋ بولىگىنە تۇسۋىنە جول بەرمەيدى.»;
10-تارماق الىنىپ تاستالسىن;
مىناداي مازمۇنداعى 10-1, 10-2-تارماقتارمەن تولىقتىرىلسىن:
«10-1. كونتسەسسياعا بەرىلگەن اۆتوموبيل جولدارىن نەمەسە ولاردىڭ ۋچاسكەلەرىن قوسا العاندا, جالپى پايدالانىمداعى اۆتوموبيل جولدارىنىڭ مۇقتاجى ءۇشىن جەردى تەحنيكالىق جوبا نەگىزىندە جەردى جول ورگانىنا تۇراقتى پايدالانۋعا بەرۋ, جولدى سالۋ, قايتا جاڭارتۋ جانە جوندەۋ كەزىندە قىزمەتتەردى جەتكىزۋشىلەرگە ۋاقىتشا پايدالانۋعا بەرۋ تۋرالى شەشىم قابىلداعان ورگان بولەدى.
تۇراقتى جەر پايدالانۋعا جەرلەر اۆتوموبيل جولدارىنا, اۆتوموبيل كولىگىنىڭ وبەكتىلەرىنە جانە جول شارۋاشىلىعى, جەر ءۇستى جانە جەر استى عيماراتتاردى, قۇرىلىستاردى, قۇرىلعىلاردى جوندەۋ, دامىتۋ وبەكتىلەرىنە, سونداي-اق اۆتوموبيل جولدارىنىڭ جولاق بولىكتەرىن بەلگىلەۋ ءۇشىن بەرىلەدى.
قىسقا مەرزiمدى (5 جىلعا دەيiن) جانە ۇزاق مەرزiمدى (5 جىلدان 49 جىلعا دەيiن) ۋاقىتشا جەر پايدالانۋعا جەر قۇرىلىس ماتەريالدارى كارەرلەرىن, رەزەرۆتەردى, قۇرىلىس جاساقتارىنىڭ بازالارىن يگەرۋگە, اينالما جولدارعا, جول-قۇرىلىس ماتەريالدارىن جيناۋعا ارنالعان ورىندارعا بەرىلەدى.
ۋاقىتشا جەر پايدالانۋ مەرزىمى اۆتوموبيل جولدارى جونىندەگى ۋاكىلەتتى مەملەكەتتىك ورگان بەكىتكەن تەحنيكالىق جوبادا كوزدەلگەن مەرزىمدى ەسكەرە وتىرىپ انىقتالادى.
10-2. اۆتوموبيل جولدارىنىڭ بويىندا ساندىك جانە قاردان قورعايتىن ەكپە اعاشتاردى (شارباقتار) ورنالاستىرعان كەزدە جەر توسەمى جيەگىنەن جولدىڭ بارلىق ساناتتارى ءۇشىن قاشىقتىق قار ءتۇسۋ كولەمىنە بايلانىستى قابىلدانادى.»;
12-تارماقتا:
1) تارماقشا مىناداي رەداكتسيادا جازىلسىن:
«1) جول ورگاندارىمەن جانە جول پوليتسياسى بولىمشەلەرىمەن:
ءىرى گاباريتتى جانە (نەمەسە) اۋىر سالماقتى كولىك قۇرالدارىنىڭ جۇرۋىنە;
جارىلعىش, راديواكتيۆتى جانە كۇشتى اسەر ەتەتىن ۋلى زاتتاردى تاسىمالداۋعا;
اۆتوموبيل جولدارىن ارنالاردىڭ, بايلانىس جانە ەلەكتر بەرۋ جەلىلەرىنىڭ, مۇناي قۇبىرلارىنىڭ, گاز قۇبىرلارىنىڭ, سۋ قۇبىرلارىنىڭ, تەمىر جولداردىڭ جانە باسقا دا ينجەنەرلىك جەلىلەر مەن كوممۋنيكاتسيالاردىڭ كەسىپ وتۋىنە;
اۆتوموبيل جولدارىمەن ءبىر دەڭگەيدە قيىلىساتىن كەزدە تەمىر جولداردىڭ كوتەرىلۋىنە جانە تومەندەتىلۋىنە نەمەسە قوسىمشا جول توسەۋگە;
تەمىر جولداردى قيىپ وتەتىن جەرلەردى جايلاستىرۋعا, قايتا جاڭارتۋعا, جوندەۋگە جانە جويۋعا;
اۆتوموبيل جولدارىنىڭ جول بويىنداعى بولىگىندە قوناق ۇيلەردى, موتەلدەردى, كەمپينگتەردى, اۆتوموبيلدەرگە جانارماي قۇيۋ ستانتسيالارىن, تەحنيكالىق قىزمەت كورسەتۋ ستانتسيالارىن, تاماقتانۋ جانە ساۋدا پۋنكتتەرىن ورنالاستىرۋعا;
اۆتوموبيل جولدارىنىڭ جولاق بولىگىندە سىرتقى (كورنەكى) جارنامانى ورناتۋعا;
اۆتوموبيل جولدارىنىڭ جولاق بولىگىندە جانە جول بويىنداعى بولىگىندە سىرتقى جارىق ءتۇسىرۋ تىرەۋلەرىن ورناتۋعا;
جولداردا بۇقارالىق جانە سپورتتىق ءىس-شارالار جۇرگىزۋگە;
جالپى پايدالانىمداعى جولاۋشى كولىك قۇرالدارى قوزعالىسىنىڭ مارشرۋتتارىن اشۋعا جانە ايالداما پۋنكتتەرىن ورنالاستىرۋعا;
جۇكتەردى تيەۋ جانە ءتۇسىرۋ ءۇشىن جولدان ءتۇسۋ ورىندارى مەن الاڭدار جاساۋعا;
اۆتوموبيل جولدارىندا كولىك قۇرالدارى مەن جۇرگىنشىلەردىڭ جۇرۋىنە كەدەرگى جاسايتىن كەز كەلگەن جۇمىستاردى جۇرگىزۋگە.»;
2) تارماقشانىڭ ءتورتىنشى ابزاتسى مىناداي رەداكتسيادا جازىلسىن:
«جولداردىڭ جول بويىنداعى جولاعى شەگىندە ەسكەرتكىشتەر قويۋعا, شارباقتاردى, ساندىك اعاشتاردى وتىرعىزۋعا, كارەرلەر قازۋعا;»;
مىناداي مازمۇنداعى 12-1-تارماقپەن تولىقتىرىلسىن:
«12-1) جول ورگاندارى جانە جول پوليتسياسىنىڭ بولىمشەلەرى كەلىسۋدى جەتى جۇمىس كۇنىنەن كەشىكتىرمەي جۇرگىزەدى.»;
16-تارماق مىناداي رەداكتسيادا جازىلسىن:
«16. جالپى پايدالانىمداعى اۆتوموبيل جولدارىنىڭ جولاق بولىگىنىڭ جەرلەرi جول ورگاندارىنىڭ نەمەسە كونتسەسسيونەردiڭ يەلiگiندە جانە پايدالانۋىندا بولادى ءارى اۆتوموبيل جولدارىن دامىتۋعا, اباتتاندىرۋعا عانا ارنالعان.
جالپى پايدالانىمداعى اۆتوموبيل جولدارى جولاق بولىگىنىڭ جول ورگاندارى نەمەسە كونتسەسسيونەر پايدالانبايتىن جەر ۋچاسكەلەرiن:
1) جالپى پايدالانىمداعى حالىقارالىق جانە رەسپۋبليكالىق ماڭىزى بار اۆتوموبيل جولدارىنىڭ جولاق بولىگىندە – اۆتوموبيل جولدارى جونىندەگى ۋاكىلەتتى مەملەكەتتىك ورگان;
2) جالپى پايدالانىمداعى وبلىستىق نەمەسە اۋداندىق ماڭىزى بار اۆتوموبيل جولدارىنىڭ جولاق بولىگىندە – وبلىستىڭ نەمەسە اۋداننىڭ جەرگىلىكتى اتقارۋشى ورگانى جولدىڭ كولiكتiك-پايدالانىلۋ ساپاسىنىڭ تومەندەۋiنە جول بەرمەۋ, كولiك قۇرالدارى ءجۇرiسiنiڭ قاۋiپسiزدiگi مەن قورشاعان ورتانى قورعاۋ تالاپتارىن ساقتاۋى شارتىمەن سىرتقى (كورنەكى) جارنامانى ورنالاستىرۋ ءۇشiن جەكە جانە زاڭدى تۇلعالارعا قىسقا مەرزiمدi ۋاقىتشا جەر پايدالانۋعا بەرىلۋi مۇمكiن.»;
17, 18-تارماقتار الىنىپ تاستالسىن;
19-تارماق مىناداي رەداكتسيادا جازىلسىن:
«19. جول ورگاندارىمەن كەلىسىلگەننەن كەيىن جولداردىڭ بارلىق ساناتتارى ءۇشىن قوناق ۇيلەر, موتەلدەر, كەمپينگتەر, تەحنيكالىق قىزمەت كورسەتۋ ستانتسيالارى, تاماقتانۋ جانە ساۋدا پۋنكتتەرى جەر توسەمىنىڭ جيەگىنەن 50 م-دەن جاقىن ەمەس قاشىقتىقتا جوبالانادى جانە ورنالاستىرىلادى.
جول ورگاندارىمەن كەلىسىلگەننەن كەيىن تاياۋ جەردەگى اۆتوموبيلگە جانارماي قۇيۋ ستانتسيالارى بارلىق ساناتتار ءۇشىن جەر توسەمىنىڭ جيەگىنەن 25 م-دەن جاقىن ەمەس قاشىقتىقتا جوبالانادى جانە ورنالاستىرىلادى.
اۆتوموبيلگە جانارماي قۇيۋ ستانتسيالارىنىڭ اۋماعىنا كىرۋ جانە ودان شىعۋ, سونداي-اق تاماقتانۋ جانە ساۋدا پۋنكتتەرىنە جانە باسقالارىنا كىرەبەرىس جولدارى كولىك پەن جۇرگىنشىلەر قوزعالىسى قاۋىپسىزدىگىنىڭ تالاپتارىنا جاۋاپ بەرۋى ءتيىس.»;
23 جانە 24-تارماقتار مىناداي رەداكتسيادا جازىلسىن:
«23. جول ورگاندارىنان ينجەنەرلىك كوممۋنيكاتسيالاردى توسەۋگە رۇقسات الۋ ءۇشىن وسى جۇمىستاردى جۇرگىزەتىن ۇيىم:
1) بەلگىلەنگەن تارتىپپەن ازىرلەنگەن جانە بەكىتىلگەن جوبالاۋ قۇجاتتاماسىن;
2) تاپسىرىس بەرۋشىنىڭ جۇمىستاردى قارجىلاندىرۋدى قامتاماسىز ەتەتىندىگى تۋرالى كەپىلدەمەلىك حاتىن, سونداي-اق جول مەن جول قۇرىلىستارىن قالپىنا كەلتىرۋ جوباسىن;
3) جول پوليتسياسى بولىمشەلەرىمەن كەلىسىلگەن جول بەلگىلەرى مەن قورشاۋلاردى ورنالاستىرۋدىڭ جانە جۇمىس جۇرگىزىلەتىن ورىنداردىڭ سحەماسىن;
4) جۇمىستار جۇرگىزۋدىڭ كۇنتىزبەلىك كەستەسىن;
5) جولدىڭ زاقىمدالعان ەلەمەنتتەرىن قالپىنا كەلتىرەتىندىگى تۋرالى مىندەتتەمەنى نەمەسە ەگەر قالپىنا كەلتىرۋ جۇمىستارىن جول ورگانى ورىندايتىن بولسا, جولدىڭ زاقىمدالعان ۋچاسكەسىن قالپىنا كەلتىرۋ كەزىندە جۇزەگە اسىرىلاتىن جۇمىستاردى قارجىلاندىراتىنى تۋرالى كەپىلدەمەلىك حاتتى ۇسىنادى. ول ءۇشىن جول ورگانى مەن تاپسىرىس بەرۋشى ۇيىمنىڭ وكىلى زاقىمدالعان ۋچاسكەلەردى قالپىنا كەلتىرۋ مەرزىمىن كورسەتە وتىرىپ, جول جابىنىنىڭ, توپىراق توسەمىنىڭ, اينالما جول مەن جول قۇرىلىستارىنىڭ ءىس جۇزىندەگى جاي-كۇيى تۋرالى, الدا تۇرعان جۇمىستاردىڭ سيپاتى مەن كولەمى تۋرالى ەكىجاقتى اكت رەسىمدەيدى.
جۇمىستاردى ەلدى مەكەندەردىڭ شەكاراسىندا جۇرگىزۋ بولجانعان جاعدايلاردا جەرگىلىكتى اتقارۋشى ورگاندارىنىڭ رۇقساتى دا قاجەت.
24. جالپى پايدالانىمداعى جولداردا جول جۇمىستارىن جانە باسقا دا جۇمىستاردى جۇرگىزۋ جول پوليتسياسى بولىمشەلەرىمەن كەلىسىلەدى.»;
25-تارماقتىڭ ءبىرىنشى بولىگى مىناداي رەداكتسيادا جازىلسىن:
«شۇعىل اۆاريالىق-قالپىنا كەلتىرۋ جۇمىستارى جول ورگانى وكiلiنىڭ جانە اۆتوموبيل جولدارىن باسقارۋشى وكىلiنiڭ قاتىسۋىمەن, كەيىننەن وسى ءتارتىپتىڭ 13-تارماعىندا بەلگىلەنگەن تارتىپپەن رۇقساتتار رەسىمدەلە وتىرىپ ورىندالادى.»;
29-30-تارماقتار مىناداي رەداكتسيادا جازىلسىن:
«29. جابىن تۇرلەرى جەتىلدىرىلگەن نەگىزگى جولداردىڭ ءجۇرۋ بولىگىنىڭ لاستانۋىن بولدىرماۋ ءۇشىن ولاردان ءتۇسۋ جانە شىعۋ جولدارىنىڭ بارلىعى قۇمايت جانە قۇم توپىراقتى جەرلەردە ۇزاقتىعى كەمىندە 50 م جانە باسقا توپىراقتى جەرلەردە كەمىندە 100 م, ال قيىرشىقتاس توسەلگەن جولداردا كەمىندە 25 م قاتتى جابىن توسەۋ قاجەت. جالپى پايدالانىمداعى جولداردى كەسىپ وتەتىن جانە ولارمەن تۇيىسەتىن, ءتۇسۋ جانە شىعۋ جولدارىندا قاتتى جابىن توسەۋدى ولار قاراماعىنا بەرىلگەن كاسىپورىندار, ۇيىمدار, شارۋاشىلىقتار ءوز قاراجاتى ەسەبىنەن, جول ورگاندارىنىڭ تەحنيكالىق باقىلاۋىمەن جۇزەگە اسىرادى.
30. جولداردى سالۋدى نەمەسە قايتا جاڭارتۋدى جۇرگىزەتىن جول ورگاندارى جولدا ورنالاسقان جەر ۋچاسكەلەرىن ماقساتتى ارنالۋىنا سايكەس ودان ءارى پايدالانۋعا جارامدى كۇيگە كەلتىرەدى.»;
32-تارماقتىڭ توعىزىنشى ابزاتسىنىڭ مەملەكەتتىك تىلدەگى ءماتىنى وزگەرىسسىز قالدىرىلسىن;
33 جانە 34-تارماقتار مىناداي رەداكتسيادا جازىلسىن:
«33. جول ورگاندارى جول پوليتسياسىمەن جانە تابيعي جانە تەحنوگەندىك سيپاتتاعى توتەنشە جاعدايلار سالاسىنداعى ۋاكىلەتتى ورگانمەن بىرلەسىپ, ەسسترەمالدى جاعدايلاردا (قولايسىز اۋا رايى-كليماتتىق جاعداي, دۇلەي اپاتتار, ءورت, اۆتوموبيل جولدارىنىڭ كوتەرگىش قابىلەتىنىڭ جوعالۋى), سونداي-اق جوندەۋ-قۇرىلىس جۇمىستارى جۇرگىزىلگەن كەزدە ول تۋرالى جەرگىلىكتى اتقارۋشى ورگانداردى جانە ءتيىستى جول بەلگىلەرىن ورناتا وتىرىپ, اۆتوموبيل جولدارىن پايدالانۋشىلاردى حاباردار ەتە وتىرىپ, كولىك قۇرالدارىنىڭ قوزعالىسىن شەكتەيدى نەمەسە توقتاتادى.
34. جول قوزعالىسىنا قاتىسۋشىلار ءۇشىن اۆاريالىق جاعداي تۋدىراتىن جانە ولار تۋىنداعان كەزدە جولدار بويىنشا ءجۇرۋدى شەكتەۋ نەمەسە قىسقا مەرزىمگە جابۋ تالاپ ەتىلەتىن قولايسىز اۋا رايى-كليماتتىق جاعدايلار مىناداي كورسەتكىشتەرمەن سيپاتتالادى:
1) شىنى ءتارىزدى جۇقا قابىرشاقتى مۇز تۇرىندەگى كوكتايعاق;
2) كورىنۋدىڭ 50 مەترگە دەيىن تومەندەۋى كەزىندەگى تۇماندار;
3) ورتاشا جىلدامدىعى سەكۋندىنا 20 مەتر جانە ەكپىنى سەكۋندىنا 25 مەتر جانە ودان استام كۇشتى جاناما جانە داۋىلدى جەلدەر;
4) جىلدامدىعى سەكۋندىنا كەمىندە 15 مەتر قاتتى جەل سوعاتىن, ۇلكەن قار ماسساسىن ۇيەتىن, كورۋ قاشىقتىعىن 50 مەترگە دەيىن تومەندەتەتىن بوران (قۇيىندار, بوراندار, قارلى بوراندار);
5) جاۋىن-شاشىننىڭ ءتۇسۋ قارقىندىلىعى ساعاتىنا 1,5 مم استام كۇشتى قار جاۋى;
6) قار كوشكىنىنىڭ, كوشكىننىڭ, سەل جانە سۋ اعىندارىنىڭ كوشۋى.»;
36, 40 جانە 41-تارماقتار الىنىپ تاستالسىن;
39-تارماق «نۇسقاۋلىقتارعا سايكەس» دەگەن سوزدەردەن كەيىن «جول ورگاندارىمەن كەلىسىم بويىنشا» دەگەن سوزدەرمەن تولىقتىرىلسىن;
43-تارماق مىناداي رەداكتسيادا جازىلسىن:
«43. جوندەۋ جۇمىستارىن جۇرگىزگەن ۇيىم جۇمىس اياقتالعاننان كەيىن بارلىق مەحانيزمدەردى, ماتەريالداردى, ۋاقىتشا بەلگىلەردى, كونۋستاردى, كەدەرگىلەردى جيناپ الادى, جولداردىڭ جول جامىلعىسىن جانە ينجەنەرلىك جايلاستىرىلۋىن قالپىنا كەلتىرەدى.»;
4) كورسەتىلگەن قاۋلىمەن بەكىتىلگەن جالپى پايدالانىمداعى اۆتوموبيل جولدارىنىڭ جولاق بولىگىندە سەرۆيس وبەكتىلەرى مەن سىرتقى (كورنەكi) جارنامانى ورنالاستىرۋ تارتىبىندە:
تاقىرىپ مىناداي رەداكتسيادا جازىلسىن:
«جالپى پايدالانىمداعى اۆتوموبيل جولدارىنىڭ جولاق بولىگىندە سىرتقى (كورنەكى) جارنامانى ورنالاستىرۋ ءتارتىبى.»;
1-تارماق مىناداي رەداكتسيادا جازىلسىن:
«1. وسى جالپى پايدالانىمداعى اۆتوموبيل جولدارىنىڭ جولاق بولىگىندە سىرتقى (كورنەكى) جارنامانى ورنالاستىرۋ ءتارتىبى «جارناما تۋرالى» قازاقستان رەسپۋبليكاسىنىڭ 2003 جىلعى 19 جەلتوقسانداعى زاڭىنا سايكەس ازىرلەنگەن جانە اۆتوموبيل جولدارىنىڭ جولاق بولىگىندە پلاكاتتار, ستەندىلەر, جارىق تاقتالار, بيلبوردتار, ترانسپارانتتار, افيشالار جانە باسقا دە جارنامالاردى تۇراقتى ورناتۋ وبەكتiلەرى تۇرىندەگى سىرتقى كورنەكى جارنامالاردى ورنالاستىرۋ شارتتارىن, كەلىسۋ جانە ورنالاستىرۋ ءتارتىبىن بەلگىلەيدى.»;
2-تارماق الىنىپ تاستالسىن:
3-4-تارماقتارداعى «سەرۆيس وبەكتىلەرىن جانە سىرتقى (كورنەكi) جارنامانى», «سەرۆيس وبەكتىلەرى مەن سىرتقى (كورنەكi) جارنامانى», «سەرۆيس وبەكتىلەرى مەن جارنامانى» دەگەن سوزدەر «سىرتقى (كورنەكى) جارناما وبەكتىلەرىنىڭ» دەگەن سوزدەرمەن اۋىستىرىلسىن;
5-تارماقتىڭ ءبىرىنشى بولىگى مىناداي رەداكتسيادا جازىلسىن:
«جالپى پايدالانىمداعى اۆتوموبيل جولدارىنىڭ جولاق بولىگىندە سىرتقى (كورنەكi) جارناما وبەكتىلەرىن ورنالاستىرۋعا رۇقسات الۋ ءۇشىن وبەكتىلەردىڭ يەلەرى جالپى پايدالانىمداعى اۆتوموبيل جولدارى قاراۋىنداعى جول ورگاندارىن ورنالاستىرۋ ورنىن جانە ءوز دەرەكتەرىن كورسەتە وتىرىپ, وبەكتىنى ورنالاستىرۋدى رەسىمدەۋ تۋرالى ءوتىنىش بەرەدى. وتىنىشكە وبەكتىنىڭ ءتۇرلى ءتۇستى ورىندالۋىمەن جانە ولشەمدەرىمەن بىرگە نوبايى قوسا بەرىلەدى.»;
6-7-تارماقتار مىناداي رەداكتسيادا جازىلسىن:
«6. ماسەلە وڭ شەشىلگەن جاعدايدا وبەكتىنى جولعا بايلانىستىرۋ جۇزەگە اسىرىلادى جانە پاسپورت رەسىمدەلەدى, وندا: پاسپورتتىڭ قولدانىلۋ مەرزىمى, وبەكت بويىنشا جانە وعان تاياۋ جەردە قوزعالىستى ۇيىمداستىرۋمەن بىرگە وبەكتىنى جالپى پايدالانىمداعى اۆتوموبيل جولىنا ورنالاستىرۋدىڭ سحەماسى مەن سىرتقى (كورنەكى) جارناما وبەكتىسىنىڭ ەسكيزى كورسەتىلەدى.
7. پاسپورتتى جول ورگانى بەرەدى جانە بەس جۇمىس كۇنى ىشىندە جول پوليتسياسى بولىمشەلەرىمەن كەلىسىلەدى.
پاسپورتتىڭ قولدانىلۋ مەرزىمى اۆتوموبيل جولدارىن دامىتۋ باعدارلامالارىنا سۇيەنە وتىرىپ انىقتالادى, بىراق ءبىر جىلدان اسپايدى جانە سىرتقى (كورنەكى) جارناما وبەكتىسى يەسىنىڭ جازباشا ءوتىنىشى بويىنشا ۇزارتىلادى.
ورناتىلعان وبەكتىلەردىڭ مولشەرلەرى وزگەرگەن جاعدايدا پاسپورت قايتا رەسىمدەۋگە جاتادى.
پاسپورتتىڭ قولدانىلۋى وبەكتىنىڭ ءىس جۇزىندەگى مولشەرلەرى پاسپورتتا ەنگىزىلگەن مولشەرلەرگە سايكەس كەلمەيتىندىگى انىقتالعان كەزدە توقتاتىلادى.»;
14-تارماق مىناداي رەداكتسيادا جازىلسىن:
«14. سىرتقى (كورنەكi) جارناما وبەكتiلەرiنiڭ يەلەرىنەن الىناتىن تولەم ءتيىستى بيۋدجەتكە ەنگiزiلۋى ءتيىس.»;
15-تارماق مىناداي رەداكتسيادا جازىلسىن:
«15. سىرتقى (كورنەكى) جارناما وبەكتىلەرىن ءتيىستى قۇجاتتامالاردى رەسىمدەمەستەن جانە ونى جول ورگاندارىمەن, جول پوليتسياسى بولىمشەلەرىمەن كەلىسپەستەن ءوز بەتىنشە ورنالاستىرۋعا تىيىم سالىنادى.
سىرتقى (كورنەكى) جارناما وبەكتىلەرىن ناقتى ورنالاستىرۋ ءتيىستى رۇقسات بەرۋ قۇجاتى بولماعان كەزدە تولەم سوماسىن ءوندىرىپ الۋ جانە بيۋدجەتكە ەنگىزۋ ءۇشىن نەگىز بولىپ تابىلادى.»;
16-تارماقتىڭ ءبىرىنشى بولىگى مىناداي رەداكتسيادا جازىلسىن:
«16. سىرتقى (كورنەكى) جارنامانى ءوز بەتىنشە ورنالاستىرعان يەلەرى قازاقستان رەسپۋبليكاسىنىڭ قولدانىستاعى زاڭناماسىندا بەلگىلەنگەن تارتىپپەن جول شارۋاشىلىعىنا كەلتىرىلگەن ماتەريالدىق زالالدى وتەيدى.».
2. «قازاقستان رەسپۋبليكاسىنىڭ اۆتوموبيل جولدارىن جىكتەۋ ەرەجەسى مەن شارتتارىن جانە رەسپۋبليكالىق ماڭىزى بار جالپى پايدالانىمداعى اۆتوموبيل جولدارىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2000 جىلعى 5 جەلتوقسانداعى № 1809 قاۋلىسىندا (قازاقستان رەسپۋبليكاسىنىڭ ءپۇاج-ى, 2000 ج., № 54, 596-قۇجات):
كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ اۆتوموبيل جولدارىن جىكتەۋ ەرەجەسى مەن شارتتارىندا:
2-تارماقتىڭ ەكىنشى بولىگىندەگى «قالالار مەن» دەگەن سوزدەر الىنىپ تاستالسىن.
3. «اۆتوموبيل جولدارىن پايدالانۋ كەزىندە قاۋىپسىزدىككە قويىلاتىن تالاپتار» تەحنيكالىق رەگلامەنتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 27 ناۋرىزداعى № 294 قاۋلىسىندا (قازاقستان رەسپۋبليكاسىنىڭ ءپۇاج-ى, 2008 ج., № 16, 155-قۇجات):
كورسەتىلگەن قاۋلىمەن بەكىتىلگەن «اۆتوموبيل جولدارىن پايدالانۋ كەزىندە قاۋىپسىزدىككە قويىلاتىن تالاپتار» تەحنيكالىق رەگلامەنتىندە:
17-تارماقتىڭ 1) تارماقشاسىنىڭ بەسىنشى ابزاتسى الىنىپ تاستالسىن.