2016 جىلعى قاراشادا حالىقتىڭ ايىرباستاۋ پۋنكتتەرىندە قولما-قول اقش دوللارىن ساتىپ الۋ كولەمى 397,7 ملن. اقش دوللارىن قۇرادى. بۇل كورسەتكىش 2015 جىلعى قاراشاداعى دەڭگەيدەن ءسال جوعارى (11%-عا), الايدا الدىڭعى 5 جىلدىڭ ءتيىستى ايلارىنىڭ ماندەرىنەن ايتارلىقتاي تومەن (2010-2014 جىلدارداعى قاراشادا ورتاشا العاندا 1,2 ملرد. اقش دوللارى), دەپ حابارلايدى قر ۇلتتىق بانكىنىڭ ءباسپاسوز قىزمەتى.
2016 جىلعى 11 ايدا حالىقتىڭ اقش دوللارىن نەتتو-ساتىپ الۋى - 1,0 ملرد. اقش دوللارى 2015 جىلعى قاڭتار-قاراشاداعى مولشەردەن 6,8 ەسە تومەن بولدى, بۇل 15 جىلداعى ەڭ تومەن كورسەتكىش بولىپ تابىلادى. حالىقتىڭ اقش دوللارىن جالپى ساتىپ الۋ كولەمى 2015 جىلعى قاڭتار-قاراشامەن سالىستىرعاندا ەكى ەسەدەي تومەندەگەن.