قر پرەمەر-ءمينيسترى باقىتجان ساعىنتاەۆ قر ىشكى ىستەر مينيسترلىگىنە كۇشەيتىلگەن قىزمەت رەجىمىنە كوشىپ, مەرەكەلىك شارالار كەزىندە ازاماتتاردىڭ قاۋىپسىزدىگىن قامتاماسىز ەتۋدى تاپسىردى.
«ىشكى ىستەر مينيسترلىگى بۇگىنگى كۇننەن باستاپ كۇشەيتىلگەن جۇمىس تارتىبىنە كوشسىن. سونىمەن قاتار جاڭاجىلدىق شارالار وتكىزىلەتىن جەرلەرگە مونيتورينگ جۇرگىزۋ قاجەت, ونىڭ ىشىندە ءورت قاۋىپسىزدىگى مەن قوعامدىق ءتارتىپ نازارعا الىنۋى ءتيىس. وبلىس اكىمدەرى, استانا جانە الماتى قالالارىنىڭ اكىمدەرى ءىىم-ىمەن بىرلەسىپ اۋا-رايى جاعدايىن ەسكەرىپ, جول قاۋىپسىزدىگىن قامتاماسىز ەتۋ ءۇشىن الدىن-الا شارالاردى ۋاقىتىلى قابىلداۋدى تاپسىرامىن», - دەدى ب.ساعىنتاەۆ.
سونىمەن قاتار پرەمەر-مينيستر بارلىق مەملەكەتتىك ورگانداردا وپەراتيۆتى كەزەكشىلەردى بەلگىلەۋدى تاپسىردى.
«قاجەتتىلىككە ساي بارلىق قىزمەتتىڭ ناقتى ءارى ءتيىمدى جۇمىسى ۇيىمداستىرىلۋى ءتيىس, اسقار ۇزاقباي ۇلى (پرەمەر-ءمينيستردىڭ ءبىرىنشى ورىنباسارى) باقىلاۋعا الۋى ءتيىس», - دەپ اتاپ ءوتتى ب.ساعىنتاەۆ.
ارنۇر اسقاروۆ, "ەگەمەن قازاقستان