قر پرەمەر-ءمينيسترى باقىتجان ساعىنتاەۆ اكىمدەرگە جىلۋ ماۋسىمىن وقىس جاعدايسىز وتكىزۋدى تاپسىردى.
ۇكىمەت وتىرىسى بارىسىندا قر پرەمەر-ءمينيسترى باقىتجان ساعىنتاەۆ تۇرعىنداردى جىلۋمەن قامتۋعا وقىس جاعدايلار بولعان وڭىرلەر اكىمدەرىنە ەسكەرتۋ جاساپ, ولاردىڭ الداعى ۋاقىتتا مۇنداي جاعدايلارعا جول بەرمەۋ شارالارى تۋرالى بايانداماسىن تىڭدادى.
«قۇرمەتتى اكىمدەر, ەستەرىڭىزگە سالامىن, سىزدەر جىلۋ مەرزىمىن تۇراقتى وتكىزۋگە جەكەلەي جاۋاپتىسىزدار. ءبىز بۇل تۋرالى ۇنەمى ايتامىز, سىزدەردىڭ سوزدەرىڭىزدى تىڭدايمىز, بىراق سوعان قاراماستان, جەلىلەردە ءتۇرلى اپاتتار بولىپ جاتادى. ءبارىن باقىلاۋدا ۇستاۋ كەرەك. ەڭ باستىسى, جاڭا جىلدا ادامدارعا پروبلەما جاساماۋىمىز كەرەك. جاڭا جىلدى بارلىعى جىلى جەردە قارسى العىسى كەلەدى. جىلۋ ماۋسىمىن وتكىزۋگە جاقسى جاعداي جاسايىق, اسىرەسە, مەرەكە كۇندەرى,- دەدى ب.ساعىنتاەۆ.
وسىعان بايلانىستى پرەمەر-مينيستر ەنەرگەتيكا مينيسترىنە جەس-تەردەگتەردەگى, قازاندىقتار مەن ستانتسيالارداعى وتىنداردى باقىلاۋدا ۇستاۋدى تاپسىردى. اكىمدەرگە جىلۋمەن قامتۋدى ۇنەمى باقىلاپ وتىرۋدى جۇكتەدى.
ارنۇر اسقاروۆ, «ەگەمەن قازاقستان»