اۋىل شارۋاشىلىعى تاۋار وندىرۋشىلەردىڭ قاجەتتىلىكتەرى ءۇشىن ارزانداتىلعان جانار جاعارمايدى جەتكىزۋ بويىنشا مىندەتتەلەرى تولىق ورىندالدى. بۇل تۋرالى پرەمەر-مينيستر باقىتجان ساعىنتاەۆتىڭ توراعالىعىمەن ۇكىمەتتىڭ كەزەكتى وتىرىسىندا ەنەرگەتيكا ءمينيسترى قانات بوزىمباەۆ باياندادى.
"كوكتەمگى-ەگىس جۇمىستارىنا 322,2 مىڭ توننا جانە كۇزگى دالا جۇمىستارىنا 364,5 مىڭ توننا تيەلدى," - دەدى ەنەرگەتيكا ءمينيسترى
. ق.بوزىمباەۆ ايتىپ وتكەندەي, اعىمداعى جىلدىڭ 26 جەلتوقسانداعى جاعداي بويىنشا مۇناي بازالارىنداعى قوردىڭ كولەمى: اي-92/93 بەنزينى 112,2 مىڭ توننا, ديزەل وتىنى 170 مىڭ توننانى قۇرايدى.
"جالپى, مۇناي ونىمدەرى نارىعىندا احۋال تۇراقتى جانە جانارماي تاپشىلىعى بايقالمايدى," - دەدى ق.بوزىمباەۆ.
سۇيىتىلعان مۇناي گازىنىڭ ىشكى نارىقتاعى باعاسى 2017 جىلدىڭ ءى توقسانىنا 1 توننا ءۇشىن 28 مىڭ تەڭگە كولەمىندە بەكىتىلدى.
ارنۇر اسقاروۆ, «ەگەمەن قازاقستان»