نۇرسۇلتان نازارباەۆ بايقوڭىرداعى رەسەي مەن قازاقستان اراسىنداعى كەلىسىمنىڭ عارىش سالاسىنداعى قارىم-قاتىناستى دامىتا الاتىنىن مالىمدەدى, - دەپ حابارلايدى ريا نوۆوستي.
ء"بىز قازىر 8 جىلعا ارنالعان - 2025 جىلعا دەيىنگى جاڭا "جول كارتاسىن" بەكىتىپ جاتىرمىز. جاڭا عارىش زىمىرانى... بۇل الداعى ۋاقىتتا بايقوڭىرداعى قازاقستان مەن رەسەي اراسىنداعى ىنتىماقتاستىقتىڭ جانە باسقا دا ماسەلەلەردى شەشۋدىڭ ۇتىمدى تۇسى بولادى", - دەدى نازارباەۆ رەسەي پرەزيدەنتى ۆلاديمير پۋتينمەن كەزدەسۋ بارىسىندا.
ەكى ەل اراسىندا قارىم-قاتىناستىڭ الداعى جوسپارىنا رەسەيلىك تاراپتان ۆيتسە-پرەمەر دميتري روگوزين قول قويسا, قازاقستاندىق تاراپتان ءبىرىنشى ۆيتسە-پرەمەر اسقار مامين قول قويدى. سونداي-اق, تولتىرىلعان حاتتاماعا "روسكوسموس" مەملەكەتتىك كورپوراتسياسىنىڭ باس ديرەكتورى يگور كوماروۆ پەن قازاقستاننىڭ قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ قول قويدى.
سونىمەن قاتار, مەملەكەت باسشىسى رەسەي فەدەراتسياسىمەن اسكەري-تەحنيكالىق سالاداعى قارىم-قاتىناستى دامىتۋعا دايىن ەكەنىن ايتتى.
ء"بىز كەشە پەتەربۋرگتەگى دامىپ جاتقان ءارى وتە ماڭىزدى كاسىپورىندارعا باردىق. وسىعان بايلانىستى مەن اسكەري-تەحنيكالىق سالاداعى قارىم-قاتىناسىمىزدى دامىتقىمىز كەلەتىنىن ايتىپ وتىرمىن", - دەدى نازارباەۆ.
سونداي-اق, پرەزيدەنت جاقىن ارادا ەكى ەلدىڭ كوپ كەزدەسۋ وتكىزۋ قاجەت ەكەنىن ايتتى. ماڭىزدى كەزدەسۋلەردىڭ ىشىندە قازاقستانداعى بۇۇ وتىرىسى مەن EXPO-2017 بار.
"كەزدەسۋلەر وتەدى, تۋىنداعان بارلىق ماسەلەلەردى شەشەتىن بولامىز", - دەدى قازاقستان پرەزيدەنتى.