قازاقستان سيرياعا قاتىستى كەلىسسوزگە قاتىساتىن بارلىق تاراپتى استانادا قابىلداۋعا دايىن. بۇل تۋرالى بۇگىن قازاقستان پرەزيدەنتى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن ەكىجاقتى كەزدەسۋىندە ايتتى.
كەزدەسۋ بارىسىندا ەكى ەل اراسىنداعى ىنتىماقتاستىق ماسەلەلەرى تالقىلاندى, سونداي-اق, حالىقارالىق كۇن ءتارتىبىنىڭ وزەكتى تاقىرىپتارى قارالدى.
"قازاقستان سيرياعا قاتىستى كەلىسسوزگە قاتىساتىن بارلىق تاراپتى استانادا قابىلداۋعا, بۇل ءۇشىن بارلىق قاجەتتى جاعدايدى جاساۋعا ءازىر", - دەدى قازاقستان پرەزيدەنتى نۇرسۇلتان نازارباەۆ.
قازاقستان پرەزيدەنتى سونداي-اق, ەكونوميكانىڭ ماڭىزدى سالالارىن دامىتۋعا يگى ىقپالىن تيگىزىپ وتىرعان قازاقستان مەن رەسەي اراسىنداعى ىنتىماقتاستىقتىڭ جوعارى قارقىنىن اتاپ كورسەتتى.
ءوز كەزەگىندە ۆ.پۋتين ەكىجاقتى قارىم-قاتىناستاردىڭ تابىستى دامىپ وتىرعانىنا توقتالىپ, جوعارى تەحنولوگيالى سالالارداعى ءوزارا ءىس-قيمىلدىڭ مەيلىنشە بەلسەندىرەك بولۋ قاجەتتىگىن اتاپ ءوتتى.
"قازاقستان ەاەو بارلىق مۇشەلەرىنە وڭ ىقپال ەتەتىن ينتەگراتسيالىق ۇدەرىستەردىڭ بەلسەندى قاتىسۋشىسى بولىپ تابىلادى. قازاقستان - پوستكەڭەستىك كەڭىستىكتەگى ينتەگراتسيالىق ۇدەرىستەردىڭ بەلسەندى قاتىسۋشىسى. بۇعان تابىستى ەلدىڭ ينتەگراتسيالىق جوبالاردى بەلسەندى العا جىلجىتىپ جاتقانى دالەل. ول ەۋرازيالىق ەكونوميكالىق وداقتىڭ بارلىق قاتىسۋشىلارىنا وڭ ىقپال ەتۋدە", - دەدى پۋتين. سونداي-اق, رەسەي كوشباسشىسى قازاقستان باسشىسىن تاۋەلسىزدىكتىڭ 25 جىلدىعىمەن قۇتتىقتادى.
دينارا بىتىكوۆا, «ەگەمەن قازاقستان».
سانكت-پەتەربۋرگتەن