قازاقستاننىڭ ۋكرايناداعى ەلشىسى سامات ورداباەۆ كيشينەۆ قالاسىنىڭ رەسپۋبليكا سارايىندا وتكەن مولدوۆا پرەزيدەنتى يگور دودوننىڭ يناۋگۋراتسياسى راسىمىنە قاتىستى, دەپ حابارلادى قر سىرتقى ىستەر مينيسترلىگى.
سالتاناتتى ءراسىم اياقتالعاننان كەيىن سامات ورداباەۆ يگور دودونمەن كەزدەستى, كەزدەسۋ بارىسىندا مولدوۆانىڭ پرەزيدەنتى قازاقستان باسشىسىنا قۇتتىقتاۋ سوزدەرى مەن جىلى لەبىزدەرى ءۇشىن العىس ءبىلدىردى. ي. دودون نۇرسۇلتان نازارباەۆتىڭ مەملەكەتتىڭ قالىپتاسۋىنداعى ءرولىن ەرەكشە اتاپ ءوتتى, سونداي-اق مەملەكەتارالىق قاتىناستاردىڭ اۋقىمدى جيىنتىعى بويىنشا ەكىجاقتى ىنتىماقتاستىقتى وسىرۋگە دايىندىعىن ايتتى.
سامات ورداباەۆ قازاقستاندا جۇرگىزىلىپ جاتقان ەكونوميكالىق جانە ينستيتۋتسيونالدىق رەفورمالار تۋرالى ايتتى, وڭدەۋ سالاسىندا, عىلىم جانە ءبىلىم سالاسىنداعى, تۋريستىك سالاداعى قازاقستان-مولدوۆا ىنتىماقتاستىعىنىڭ بولاشاعىن ەرەكشە اتاپ ءوتتى.
يناۋگۋراتسياعا 700-دەن استام قوناق قاتىستى, ولاردىڭ اراسىندا مەملەكەت قايراتكەرلەرى, ديپلوماتيالىق ميسسيالاردىڭ باسشىلارى, كورنەكتى مادەنيەت قايراتكەرلەرى, پارتيالاردىڭ كوشباسشىلارى جانە باسقالارى بار. ي. دودون 2016 جىلعى 13 قاراشادا وتكەن پرەزيدەنت سايلاۋىنىڭ ەكىنشى تۋرىنىڭ ناتيجەلەرى بويىنشا مولدوۆا باسشىسى بولىپ سايلانعان.