يران يسلام رەسپۋبليكاسىنىڭ پرەزيدەنتى حاسان ءرۋحانيدىڭ قازاقستان رەسپۋبليكاسىنا ساپارى اياسىندا كاسپيدەگى تەڭىز ساۋدا كەمە قاتىناسى تۋرالى ۇكىمەتارالىق كەلىسىمگە قول قويىلدى, دەپ حابارلادى ينۆەستيتسيالار جانە دامۋ مينيسترلىگى.
بۇل حالىقارالىق كەلىسىم قازاقستان مەن يران اراسىنداعى ەكىجاقتى ىنتىماقتاستىقتى نىعايتۋعا باعىتتالعان جانە ەكى ەل اراسىنداعى تەڭىز جۇك تاسىمالىن دامىتۋعا وڭ اسەرىن تيگىزەدى.
بۇگىنگى كۇنى يران اقتاۋ پورتىنان كەلىپ تۇسەتىن ەكسپورتتىق جۇكتەردىڭ نەگىزگى تۇتىنۋشىلارىنىڭ ءبىرى بولىپ تابىلادى. جىل سايىن يراننىڭ سولتۇستىك پورتتارىنان 2 ملن.تونناعا جۋىق ءار ءتۇرلى جۇكتەر تاسىمالدانادى.
قول قويىلعان ۇكىمەتارالىق كەلىسىم قازاقستاندىق جانە يراندىق كەمە قاتىناسى كومپانيالارى اراسىنداعى تەڭ باسەكەلەستىك جاعدايلاردى قۇرۋعا, كەمە قۇجاتتارىن ءوزارا مويىنداۋدى قامتاماسىز ەتۋگە, پورتتاردىڭ قول جەتىمدىلىگىنە جانە پورتتىق الىمداردى تولەۋ كەزىندە تەڭ جاعدايدا بولۋىنا مۇمكىندىك بەرەدى.