«الماتى-ارىس» قوسىمشا پويىزى شىعادى

جاڭا جىل قارساڭىندا جولاۋشىلاردى تاسىمالداۋدى قامتاماسىز ەتۋ ماقساتىندا «جولاۋشىلار تاسىمالى» اق «تۇلپار-تالگو» ۆاگوندارىنان قۇرىلعان «الماتى-ارىس» قاتىناسىمەن قوسىمشا №161/162 جۇردەك پويىزىن ەنگىزەدى. پويىز الماتى ستانساسىنان 2016 جىلعى 28 جەلتوقساندا, ارىس ستانساسىنان 29 جەلتوقساندا شىعادى, دەپ حابارلادى قازاقپارات. ەسكە سالساق, بۇدان بۇرىن مەرەكە كۇندەرى مىناداي قوسىمشا پويىزدار جۇرەتىن بولعان:  استانادان 29 جەلتوقساندا, ال شىمكەنتتەن 30 جەلتوقساندا №152/151 استانا-شىمكەنت;  الماتىدان 28 جەلتوقساندا, كوكشەتاۋدان 30 جەلتوقساندا № 153/154 الماتى-2-كوكشەتاۋ, الماتىدان 29 جەلتوقساندا, ارىستان 30 جەلتوقساندا № 155/156 الماتى-ارىس, قاراعاندىدان 29 جەلتوقساندا, جەزقازعاننان 30 جەلتوقساندا  № 504/503 قاراعاندى-جەزقازعان, الماتىدان 2017 جىلعى 2 قاڭتاردا, نوۆوسىبىردەن 2017 جىلعى 4 قاڭتاردا № 301/302 الماتى-ءنوۆوسىبىر پويىزدارى قاتىنايدى.