ەلوردادا «استانا - مەيىرىمدى قالا» قايىرىمدىلىق اكتسياسى شەڭبەرىندە كومەك كورسەتۋ جالعاسۋدا, دەپ حابارلايدى قالا اكىمدىگى.
«ەسىل» اۋدانى اكىمىنىڭ اپپاراتى 1 جەلتوقساننان بەرى 800 ادامدى قامتىعان, بۇل - اسىراۋشىسىنان ايىرىلۋ بويىنشا جاردەماقى الۋشىلار. ولار ءۇشىن ازىق-ت ۇلىك جيناقتارى دايىندالدى. كەلە جاتقان جاڭا جىل مەرەكەسىنە وراي سەبەتكە ءبىرىنشى قاجەتتىلىك تاۋارلارىنان باسقا, ماندارين, بانان, ىرىمشىك, شۇجىق جانە شايعا ءتاتتى-ءدامدى سالىندى. اكتسيا وتەتىن ۋاقىتتا از قامتىلعان, كوپ بالالى وتباسىلار قاتارىنان تاعى 30 ادامعا اۋدانداعى ۇيىمدار قايىرىمدىلىق كومەك كورسەتتى.
«الماتى» اۋدانى اكىمدىگىنىڭ مالىمەتىنشە, «استانا - مەيىرىمدى قالا» اكتسياسى شەڭبەرىندە ساياسي قۋعىن-سۇرگىن قۇرباندارىنا كومەك كورسەتىلدى, بارلىعى 1000-عا جۋىق ادام قامتىلدى. شاراعا بيزنەس قوعامداستىق, اۋدانداعى 35 جالپى ءبىلىم بەرۋشى مەكتەپ مەن مەردىگەر ۇيىمدارى قاتىستى.
«سارىارقا» اۋدانى بويىنشا 1350 وتباسىعا كومەك كورسەتىلدى. سونىڭ ىشىندە 10 وتباسىعا قاتتى وتىن, 10 وتباسىعا - قۇرىلىس ماتەريالدارى, 1320 ادامعا ازىق-ت ۇلىك ونىمدەرى جەتكىزىلدى.
ەسكە سالساق, ەلوردا اكىمدىگى مۇرىندىق بولعان «استانا - مەيىرىمدى قالا» اكتسياسى جەلتوقسان ايىنىڭ باسىندا باستالىپ, 31-ءشى جەلتوقساندا مارەسىنە جەتەدى.