جامبىل وبلىسىندا يدمب اياسىندا ساعاتىنا 24 مۆت قۋاتتىلىعىنداعى كۇن ەلەكتر ستانتسياسىن سالۋ جوسپارلانعان, دەپ حابارلادى وبلىس اكىمدىگى.
الدىن الا مالىمەتتەر بويىنشا نىساننىڭ جالپى قۇنى 9,2 ملرد تەڭگەنى قۇرايدى. ستانتسيا ساعاتىنا 24 مۆت وندىرەتىن بولادى. بۇگىندە بۇل ماقساتتى جۇزەگە اسىرۋ ءۇشىن 74 گەكتار جەر ءبولىنىپ, جوبالىق قۇجاتتار دايىندالدى.
ايتا كەتەيىك, ت.رىسقۇلوۆ اۋدانىنداعى ستانتسيانىڭ قۇرىلىسىنا 50-60 ادام تارتىلادى. جاڭا كاسىپورىندا تۇراقتى جۇمىسپەن 22 ادام قامتىلادى. 2017 جىلى قۇرىلىستى تولىق اياقتاۋ جوسپارلانعان.
«وبلىستا 9 جاڭارمالى ەنەرگيا كوزىنىڭ نىسانى جۇمىس ىستەيدى. ونىڭ جالپى قۋاتتىلىعى 114 مۆت. 2015 جىلى تەلەكوپىر بارىسىندا ورتالىق ازياداعى ءىرى كۇن ەلەكتر ستانتسياسى ىسكە قوسىلدى. ونىڭ قۋاتتىلىعى 50 مۆت, قۇنى 23,2 ملرد تەڭگەنى قۇرايدى», - دەپ حابارلادى اكىمدىك.