قر ۇلتتىق بانكى «قازكوممەرتسبانك» اق-عا قىسقا مەرزىمدى ۋاقىتقا 400,8 ملرد. تەڭگە كولەمىندە زاەم بەردى. بۇل تۋرالى قر ۇلتتىق بانكىنىڭ ءباسپاسوز قىزمەتى حابارلادى.
«ۇلتتىق بانك باسقارماسى وسىعان دەيىن «قازكوممەرتسبانك» اق-عا بانكتىڭ جۇيەلىك ماڭىزدىلىعىن ەسكەرە وتىرىپ, 400,8 ملرد تەڭگە سوماسىندا قىسقامەرزىمدى قارجىلاندىرۋ بەرۋ تۋرالى شەشىم قابىلداعان بولاتىن. قارىز بانك كليەنتتەرىنىڭ الدىنداعى مىندەتتەمەلەردى ورىنداۋ ءۇشىن وتىمدىلىكتىڭ قوسىمشا قورىن قامتاماسىز ەتۋ ماقساتىندا بەرىلدى. بۇگىنگى كۇنى بانك ءوتىمدى اكتيۆتەردىڭ جەتكىلىكتى كولەمىنە يە. بۇل وعان قارىزدى ءىشىنارا مەرزىمىنەن بۇرىن وتەۋگە مۇمكىندىك بەردى. «قازكوممەرتسبانك» اق ۇلتتىق بانككە بۇرىن بولىنگەن قاراجاتتىڭ جارتىسىن قايتاردى», - دەلىنگەن قر ۇلتتىق بانكى تاراتقان حابارلامادا.
سونداي-اق, ۇلتتىق بانكتەن اتاپ وتكەندەي, قازىرگى ۋاقىتتا بانكتەردى كاپيتالداندىرۋدى ۇلعايتۋ بانك سەكتورىنىڭ باسەكەگە قابىلەتتىلىگىن ارتتىرۋدىڭ باسىم باعىتتارىنىڭ ءبىرى بولىپ ەسەپتەلەدى. وسىعان بايلانىستى, ۇلتتىق بانك اعىمداعى قاداعالاۋ پروتسەسى شەڭبەرىندە اكتسيونەرلەرمەن, ونىڭ ىشىندە «قازكوممەرتسبانك» اق-نىڭ اكتسيونەرلەرىمەن كاپيتالداندىرۋ دەڭگەيىن ارتتىرۋ جونىندە كەلىسسوزدەر جۇرگىزۋدە.