قىتايدا BMW كولىك كونتسەرنىنىڭ 193 مىڭنان استام كولىگى قاۋىپسىزدىك جاستىعىنداعى اقاۋعا بايلانىستى كەرى قايتارىلادى, دەپ حابارلايدى «سينحۋا» اگەنتتىگىنە سىلتەمە جاساعان تاسس.
كولىكتى پايدالانۋ بارىسىندا گازگەنەراتوردىڭ بۇزىلۋىنا بايلانىستى قاۋىپسىزدىكتىڭ ءفرونتالدى جاستىقتارىنىڭ اشىلۋى كەزىندە الدىڭعى ورىندىقتا جۇرگىزۋشى مەن جولاۋشىنىڭ جاراقات الۋ قاۋپى انىقتالعان. ديلەردىڭ اقاۋدى جويۋ باعدارلاماسى قىتايعا 2005 جىلعى 9 جەلتوقساننان 2011 جىلعى 23 جەلتوقسان ارالىعىندا تاسىمالدانعان 168 مىڭ, سونداي-اق 2005 جىلعى شىلدەدەن باستاپ 2011 جىلعى 31 جەلتوقسان ارالىعىندا اكەلىنگەن 25 مىڭ كولىكتى قامتىماق. بارلىق جۇمىس كولىك كونتسەرنىنىڭ ەسەبىنەن جۇرگىزىلەدى.