وتكەن جۇمادا مۇناي فيۋچەرسى ءسال قىمباتتادى. بۇل باعا ءبىر جارىم جىلدىق ماكسيمۋمعا جاقىن. الداعى ۋاقىتتا ترەيدەرلەر قارا التىننىڭ قۇنى الدە دە قىمباتتاي تۇسەتىنىن ايتادى. وعان سەبەپ بارلىق مەملەكەتتەردىڭ مۇناي ءوندىرىسىن ازايتۋ كەلىسىمشارتىن ورىنداۋعا دايىن ەكەندىكتەرىن مالىمدەۋى.
لوندون ICE بيرجاسىندا برەنت باعاسى جۇما كۇنى 0,2 پايىز قىمباتتاپ, باررەلىنە 55,16 دوللاردى قۇرادى. دەگەنمەن, ءبىر جارىم جىلدىق ماكسيمۋمنىڭ 12 جەلتوقسان كۇنى 57,89 دوللار رەتىندە تىركەلگەنى ەسىمىزدە.
ال جالپى اپتا ىشىندە برەنت باعاسى 5 تسەنت جوعالتتى.
ايتا كەتەيىك, 1 قاڭتاردان باستاپ وپەك+ ەلدەرى (ۇيىمعا كىرەتىن جانە ۇيىمعا كىرمەيتىن ەكسپورتتاۋشى ەلدەر) مۇناي ءوندىرىسىن تاۋلىگىنە 1,8 ملن باررەلگە ازايتۋى ءتيىس. دەگەنمەن, نارىقتا وسى كەلىسىمشارتتىڭ ساقتالاتىنىنا كۇمانمەن قاراۋشىلار دا بار.
ماسەلەن, وسى مۇمكىندىكتى پايدالانىپ, اقش سلانتستىق مۇناي ءوندىرىسىن ازايتىپ جىبەرۋى ىقتيمال. وعان قوسا ليۆيا دا كەلىسىمشارتتى ساقتاماۋى مۇمكىن ەكەنى ايتىلۋدا.
اقش اتالعان كەلىسىمگە قاتىسپاعاندىقتان ونى ساقتاۋعا دا مىندەتتى ەمەس, ال ليۆيا شەنەۋنىكتەرى كەلەر جىلدان باستاپ مۇناي ءوندىرىسىن 27000 باررەل ۇلعايتۋدى جوسپارلاپ وتىر.
وسى ورايدا ايتا كەتەرلىگى, قازاقستان دا كەلەر جىلى وپەك كەلىسىمىن ساقتاماۋى مۇمكىن, ولاي دەيتىنىمىز, تاياۋدا ەنەرگەتيكا ءمينيسترى قانات بوزىمباەۆ كەلەر جىلعى 20 مىڭ باررەل ازايتۋ ماسەلەسى تەك شارتتى تۇردە ورىندالاتىنىن ايتقان بولاتىن.
اپتا ىشىندە ترەيدەرلەردىڭ ساۋداسى الداعى مەرەكەگە بايلانىستى باسەڭدەپ, تيىسىنشە مۇناي باعاسى دا ءسال ارزانداۋى مۇمكىن.
جالپى الداعى اپتادا تومەندەگى فاكتورلار مۇناي باعاسىنا اسەر ەتەدى دەپ كۇتىلۋدە.
26 جەلتوقساندا روجدەستۆو مەرەكەسىنە بايلانىستى نارىق جابىلادى.
28 جەلتوقساندا امەريكالىق مۇناي ينستيتۋتى اپتا سايىنعى مۇناي قورى تۋرالى مالىمەتىمەن بولىسەدى.
29 جەلتوقساندا اقش ەنەرگەتيكالىق اگەنتتىگى مۇناي مەن جانارماي قورى تۋرالى اپتا سايىنعى مالىمدەمەسىن جاسايدى.
30 جەلتوقسان Baker Hughes اقش-تاعى جۇمىس ىستەپ تۇرعان بۇرعىلاۋ قۇرىلعىلارى تۋرالى اقپاراتپەن بولىسەدى.