قر پرەزيدەنتى نۇرسۇلتان نازارباەۆ رف پرەزيدەنتى ۆلاديمير پۋتينگە تۋ-154 ۇشاعىنىڭ قۇلاۋىنا بايلانىستى كوڭىل ايتتى, دەپ حابارلادى اقوردانىڭ ءباسپاسوز قىزمەتى.
«قازاقستان پرەزيدەنتى رەسەي فەدەراتسياسىنىڭ قورعانىس مينيسترلىگى ۇشاعىنىڭ سوچي قالاسى ماڭىندا اپاتقا ۇشىراۋى سالدارىنان رەسەي ازاماتتارىنىڭ قازا بولعانى تۋرالى قايعىلى حاباردى زور كۇيزەلىسپەن قابىلدادى», دەلىنگەن حابارلامادا. سونداي-اق, وندا «نۇرسۇلتان نازارباەۆ قايعىعا ورتاقتاسىپ, قازاقستان حالقىنىڭ جانە جەكە ءوزىنىڭ اتىنان قازا بولعانداردىڭ تۋىستارى مەن جاقىندارىنا, سونداي-اق بارشا رەسەي حالقىنا كوڭىل ايتتى» دەپ جازىلعان.