بريتاندىق بوكسشى كريس كىشى-يۋبەنك (23-1, 18 كو) iFL TV-گە بەرگەن سۇحباتىندا قازاقستاندىق گەننادي گولوۆكينمەن (36-0, 33 كو) بولاتىن جەكپە-جەكتىڭ نەلىكتەن بۇزىلعانىن ايتتى, دەپ حابارلايدى Sports.kz. سۇحبات بارىسىندا ول كەلەسى جىلى گولوۆكينمەن بوكستاساتىنىنا ۇمىتتەنەتىنىن ايتىپتى.
«ەددي حيرن بۇل جاعدايدان وڭاي شىعۋدىڭ جولىن تاپتى - ايقاستى كەلل برۋككە بەردى. ءبىز گولوۆكينمەن بولاتىن جەكپە-جەكتىڭ كەلىسسوزدەرىن جۇرگىزدىك جانە ول اياقتالۋعا جاقىن قالىپ ەدى. الايدا, ءبىز ۇسىنىلعان دۇنيەنىڭ بارلىعىنا كەلىسە بەرەتىندەردىڭ قاتارىنان ەمەسپىز. ءبىز وزىمىزگە لايىق شارتتار ورىندالسا عانا ايقاسامىز. كەلل بولسا ەدديدىڭ ۇسىنىستارىنىڭ بارلىعىنا كەلىسەدى. ادامدار مەنەن «گولوۆكينمەن جەكپە-جەكتىڭ بولماعانى ءۇشىن قىنجىلاسىڭ با؟» دەپ سۇرايدى. بۇل جىبەرىپ الىنعان مۇمكىندىك, بىراق سەبەپسىز ەشتەڭە بولمايدى. ءبىز ءالى دە ايقاستى ۇيىمداستىرا الامىز جانە ول 2017 جىلى وتەدى دەپ ۇمىتتەنەمىن», - دەپ كەلتىرەدى يۋبەنكتىڭ ءسوزىن.