تانىمال ادەبيەتتانۋشى-فولكلوريست, فيلولوگيا عىلىمدارىنىڭ دوكتورى ەدىگە دارىعۇل ۇلى تۇرسىنوۆ ومىردەن ءوتتى. بۇل تۋرالى مادەنيەتتانۋشى زيرا ناۋرىزباەۆا Facebook-تاعى پاراقشاسىندا حابارلادى.
مادەنيەتتانۋشى مارقۇمنىڭ تۋعان-تۋىستارىنا, جاقىندارىنا جانە شاكىرتتەرىنە كوڭىل ايتا وتىرىپ, ونى بىلاي دەپ ەسكە الادى: «ءبىز اندا-ساندا كەزدەسە قالعانىمىزدا ول كىسىگە ءوزىن قاتتى قۇرمەتتەيتىنىمدى, ونىڭ شىعارماشىلىعىن جوعارى باعالايتىنىمدى بىلدىرەتىنمىن. بىراق, بىردە-ءبىر رەت ونى ۇلى ادام دەپ سانايتىنىمدى, مەن جانە مەنىڭ قاتارلاستارىم ونى ۇستاز تۇتاتىنىن, ونىڭ كىتاپتارىن قولدان-قولعا الىپ وقىعانىمىزدى ايتىپ ۇلگەرمەگەن سەكىلدىمىن».
مارقۇممەن قوشتاسۋ ءراسىمى 26 جەلتوقسان كۇنى 10.00-دە الماتىداعى ۇلتتىق كىتاپحانادا وتەدى.
ەدىگە دارىعۇل ۇلى تۇرسىنوۆ 1942 جىلى 10 شىلدەدە الماتى قالاسىندا تۋعان.
1964 جىلى قازپي-ءدى (قازىرگى قازۇپۋ) بىتىرگەن.
1964-1966 جىلدارى اقمولا مەملەكەتتىك مەديتسينا ينستيتۋتىندا (قازىرگى استانا مەملەكەتتىك مەديتسينا اكادەمياسىندا) وقىتۋشى بولعان. قازاقستان عىلىم اكادەمياسىنىڭ ادەبيەت جانە ونەر ينستيتۋتىندا كىشى عىلىمي قىزمەتكەر بولعان.
1994 جىلدان «اي» جۋرنالىنىڭ ادەبي قىزمەتكەرى بولىپ جۇمىس ىستەدى.